All Mizoram Farmers Union (AMFU) buatsaih, Farmers’ Meet & NLUP Awareness Programme bul tanna hmasa ber Kolasib District huam chhung tana huaihawt chu nimin khan Kolasib Vengthar, ICAR Conference Hall-ah neih a ni a, Chief Minister Pu Lal Thanhawla chu khuallian a ni.
Chief Minister chuan NLUP dawng tur ten a hlawhtlin ngeina tura rilru dik leh thianghlimna nen lo dawngsawng turin mipuite a chah a. NLUP chu mahni intodelhna kawnga hma hruaitu anih avangin dikna, rinawmna leh thawhrimna nen kalpuia, midangte te tana malsawmna ni turin kalkhawmte chu a ngen a. Mizo kristian inti te hi pulpit leh biakinah te chuan ringtu tha tak vek, mahse mahni hnathawhna hmunah chuan kan kristian-na lang reng reng silo kan ni lawi si hi a vanduaithlak hle a ni a ti a. Kut tlinglova eiruk tumna hi sorkar chuan a haw hle a ni tiin, NLUP chu Pathianin mi te berte a tih te tan a ni a, lo pawh hek sak tumtu chu dim an ni lovang a ti. Mi chanhai leh mi rethei zawk ten leirem an rah ve theih nan NLUP hmang hian tanpui an nih tur thu a sawi a. Tanpuina dawng tur ten an hlawhtlinpui ngei ngeina turin sorkar chuan an tuina zawng leh an chemkalna awm zawngte siamin chung chu thawh tir an ni dawn a ni a ti a. Tunhma a duh leh chak zawng thlan tir annih thin kha kalpui a ni lovang a ti.
Pu Hawla chuan NLUP hi a hlawhtling dawn a, a hlawhtling mek bawk a ni tiin, New Delhi-ah ni hnih kalta a Prime Minister Dr. Manmohan Singh hova an sawiho thu sawilangin, Prime Minister chuan tha a tih thu a sawinaah ‘state dangte entawn tir a ni ang’ a tih chu Chief Minister chuan a sawichhawng a. NLUP chu ti hlawhtling tur tak takte hnenah chauh pek anih tur thu sawiin, kumin chhung hian chhungkaw 27,000 hnenah Mizoram pum huapa tanpuina pek anih tur thu a sawi a. Hemi atan hian cheng nuai 10,000 dah anih thu a sawi bawk a ni.
AMFU President Pu R. Lalduhawma pawhin thusawina neiin, NLUP dawng tur ten an hnathawh tur duh zawng leh thiam zawngte lo ngaihtuah lawk a, rilru leh thinlung lo inbuatsaiha lo dawngsawng turin kuthnathawktute chu a chah a ni.
Pu R.Selthuama, Chairman, NLUP Implementing Board chuan NLUP hlawhtlinna tak tak chu a dawngtu ah a innghat a ni a ti a. A dawng tur ten hna (activities) an thlan tur ah an chian hmasak a pawimawh thu sawiin, an tlin loh tur chu thlan loh mai tur a ti. Sorkar-in tha a tih leh an thawh tur awm a kawhhmuh chu thlan mai tur a ni a ti a. An hnathawhte chu englai pawha endika, vil anih tur thu a sawi a. A dawng hmasa ten a dawng leh zel turte entawn tlaka tan lak a ngai dawn a ni a ti a. A dawng tur thlante chuan tum khatah a ruala an dawn vek tur thu sawilangin, Mizote tan a ni a ti a. Mi zawng zawng a huap dawn avangin a kalphung tur pawh ‘nangni lam aiin keini lam kan hlawhtling zawk ‘ tiin kan inel thin ang a ti. Ti tha duhlo te chu khin theih an nih tur thu sawiin, an dawn tawh sa pawh rulh tir leh vek an ni ang a ti a. Chuvangin hlawhtlinpui tum lo chuan dawn tum loh mai tur Pu R.Selthuama chuan a ti a ni.
Chief Minister hian AMFU Conference Hall, Project Vengah a hawng bawk a ni.
PU H. Liansailova pawhin thu sawiin, kan hlawhtlinna bulpui tur chu rinawmna leh thawhrimna a ni a ti.
Pu Joseph Lalhimpuia,Vice Chairman, HPC Lunglei District leh Pu K. Lalrinthanga te pawhin thusawina hun an hmang bawk.
Programme hi Pu H. Kaphranga, President, AMFU Kolasib District Hqrs in a kaihruai a, mipui an kal hle a ni.
Pu Hawla chuan NLUP hi a hlawhtling dawn a, a hlawhtling mek bawk a ni tiin, New Delhi-ah ni hnih kalta a Prime Minister Dr. Manmohan Singh hova an sawiho thu sawilangin, Prime Minister chuan tha a tih thu a sawinaah ‘state dangte entawn tir a ni ang’ a tih chu Chief Minister chuan a sawichhawng a. NLUP chu ti hlawhtling tur tak takte hnenah chauh pek anih tur thu sawiin, kumin chhung hian chhungkaw 27,000 hnenah Mizoram pum huapa tanpuina pek anih tur thu a sawi a. Hemi atan hian cheng nuai 10,000 dah anih thu a sawi bawk a ni.
AMFU President Pu R. Lalduhawma pawhin thusawina neiin, NLUP dawng tur ten an hnathawh tur duh zawng leh thiam zawngte lo ngaihtuah lawk a, rilru leh thinlung lo inbuatsaiha lo dawngsawng turin kuthnathawktute chu a chah a ni.
Pu R.Selthuama, Chairman, NLUP Implementing Board chuan NLUP hlawhtlinna tak tak chu a dawngtu ah a innghat a ni a ti a. A dawng tur ten hna (activities) an thlan tur ah an chian hmasak a pawimawh thu sawiin, an tlin loh tur chu thlan loh mai tur a ti. Sorkar-in tha a tih leh an thawh tur awm a kawhhmuh chu thlan mai tur a ni a ti a. An hnathawhte chu englai pawha endika, vil anih tur thu a sawi a. A dawng hmasa ten a dawng leh zel turte entawn tlaka tan lak a ngai dawn a ni a ti a. A dawng tur thlante chuan tum khatah a ruala an dawn vek tur thu sawilangin, Mizote tan a ni a ti a. Mi zawng zawng a huap dawn avangin a kalphung tur pawh ‘nangni lam aiin keini lam kan hlawhtling zawk ‘ tiin kan inel thin ang a ti. Ti tha duhlo te chu khin theih an nih tur thu sawiin, an dawn tawh sa pawh rulh tir leh vek an ni ang a ti a. Chuvangin hlawhtlinpui tum lo chuan dawn tum loh mai tur Pu R.Selthuama chuan a ti a ni.
Chief Minister hian AMFU Conference Hall, Project Vengah a hawng bawk a ni.
PU H. Liansailova pawhin thu sawiin, kan hlawhtlinna bulpui tur chu rinawmna leh thawhrimna a ni a ti.
Pu Joseph Lalhimpuia,Vice Chairman, HPC Lunglei District leh Pu K. Lalrinthanga te pawhin thusawina hun an hmang bawk.
Programme hi Pu H. Kaphranga, President, AMFU Kolasib District Hqrs in a kaihruai a, mipui an kal hle a ni.
Attachment
- Loading attachment...
