Vawiin khan Aizawl North-I Area MUP Conference chu Durtlang Multi-Community Hall-ah an neih a ni a, Mizoram Assembly Speaker Pu R. Romawia chuan khuallian niin Conference hi a hmanpui a ni.
Speaker chuan thusawiin khawtlang leh ram tana theihtawp lo chhuah tawh kum upa leh tarte enkawlna lam, Tar Pension leh an mamawh thil dangte chu sorkarin a ngaihtuah chho zel dawn a, hei bakah hian a bik takin mi harsa zawkte tan medical reimbursement leh inhlawhna turte siam sak a tum a ni, a ti. Sorkar hmalakna te chu mipuite pawhin an hriatpuia, thahnemngai takin sorkar an thlawp zel a pawimawh thu a sawi. Speaker chuan duhamna leh Pathian-a innghah ngam lohna hian khawtlang nun a ei chhiat mek avangin tun huna Mizote mamawh ber chu rilru put dan dik lo tih dik hi a ni, a ti. Khuallian chuan Aizawl North-I Area MUP te hnenah Rs.1000/- a hlan bawk.
Aizawl North-I Area MUP-in a huam khuate chu - Durtlang, Durtlang North, Nausel, Sihphir, Sihphir Vengthar, Selesih, Leitan, Leitan Ramthar leh Muthi te an ni a. Vawiin Conference-ah hian April 2007 - February 2008 inkara an member boral ta mi 90 sunna hun hman a ni a. Conference-a kal upa ber 3 te leh nau chhar tam ber te hnenah lawmman an sem bawk a ni. Aizawl North-I Area MUP member zingah mi 157-in sorkar atangin Tar Pension an dawng mek a ni.
Aizawl North-I Area MUP-in a huam khuate chu - Durtlang, Durtlang North, Nausel, Sihphir, Sihphir Vengthar, Selesih, Leitan, Leitan Ramthar leh Muthi te an ni a. Vawiin Conference-ah hian April 2007 - February 2008 inkara an member boral ta mi 90 sunna hun hman a ni a. Conference-a kal upa ber 3 te leh nau chhar tam ber te hnenah lawmman an sem bawk a ni. Aizawl North-I Area MUP member zingah mi 157-in sorkar atangin Tar Pension an dawng mek a ni.
