Nimin 19.2.2009 khan Thiak khuaah Aibawk Block-I MHIP Conference vawi 31-na hmanah Art & Culture Minister Pu PC Zoram Sangliana chu Khuallian a ni.

MHIP Branch 12 atanga kalkhawm member-te hmaah Minister chuan thusawiin ram neitu dik tak hmel lo lanna sawrkar thar duhawm tak chuan ram hmasawnna tur kawng hrang hrang a zawh mek a ni, a ti. NLUP atana cheng nuai khat sem tur chu sorkarin changtlung zawka a duan hnuah mirethei ten an dawn ngei turin Budget tharah pawh a lo lang dawn a, ram intodelhna tur bul a ni dawn a ni tih a sawi. Sorkar chuan Mizo hmeichhiate hmasawnna tur ngaihtuah zel a tum thusawiin Minister chuan MHIP chu mi harsa zawkte tan malsawmna thlengtu ni thei turin a inbuatsaih chho zel a pawimawh thung a ni, a ti.