2822/2024-2025
Dated Aizawl, the 4th November, 2024: Vawiin khan Chief Minister Pu Lalduhoma chuan a hnena CM RF tanpuina diltu Pi Roslyn Kimbuang hnenah CM RF Rs. 100000 (nuaih khat) a hlan.

Roslyn Kimbuang hian Manipur atangin hnuchham naupang a enkawl lai mi 24 te chu sahimna zawngin Mizoramah a rawn tlanpui a. Mizoram sawrkar chuan Berawtlang Tourism Convention Centre-ah a awmtir a. Naupangte hian an hnaivai sikulah zirna an chhunzawm mek a ni.

Roslyn Kimbuang hian, Zo Inspiration Foundation ten an lo puih tawh thu Chief Minister hi a hrilh a, chubak chu a tla chawpin naupangte ei leh in tur a thiam ang anga a dap thin thu a sawi bawk. CM RF thahnemtak a pek avangin Chief Minister chungah hian a lawm tak zet tih a tarlang.

CM RF hi diltu an awm deuh reng a, pek chhuah reng a ni. A pek chhuahna lam hi a mala publish lovin a hlawmin I&PR chuan a tlangzarh thin.