154/2025-2026

Aizawl, the 11th April 2025: Vawiin khan Chief Minister Pu Lalduhoma chuan a office-ah Pu T. Roumuan Paite, Chairman cum Managing Director, National Scheduled Tribes Finance & Development Corporation leh Jt. Secretary, Ministry of Tribal Affairs a kawm. Chief Minister hi Pu Lalnghinglova Hmar, Tourism Minister leh Pi R. Lalrodingi, OSD to CM leh Director, Tourism ten an tawiawm.

Chief Minister hian an Development Corporation hnuaia hamthatna awm te Mizoram sawrkarin a tam thei ang ber hnuh chhuah a duh thu a lo hrilh a. Mizorama hmalakna zau zawk nei tura an rawn zin avangin lawmthu a lo hrilh a ni.

Pu T. Roumuan Paite hian, an Corporation leh Ministry of Tribal Affairs kal tlanga Mizoramin hma a lah theina chi tin rengah theih tawp chhuahin Mizoram tan hna an thawh tur thu Chief Minister hi a hrilh a. An hmalak dan tlangpui a hrilh bawk.