155/2025-2026

Dated Hnahthial, the 11th April, 2025 : Kan thenawm Manipur-a ui a hri a len mek avangin Hnahthial District Magistrate, Pi K. Vanlalruati chuan Ui khuakhirh dan tur a hnuai a tarlan ang hian thupek a chhuah.

ORDER

(Under Section 163 of Bhartiya Nagarik Suraksha Sanhita, 2023)

Kan hriat theuh angin tunhnaiah kan thenawm State Manipur-ah Ui a hri (Rabies) a leng mek a. Mipui te kan him tlan zawk nan Ui khuahkhirh chungchang a thupek chhuah a tul a hriat a ni.

Chuvangin, kei, K. VANLALRUATI, District Magistrate, Hnahthial District hian Section 163 of Bhartiya Nagarik Suraksha Sanhita, 2023 in thuneinna min pek angin a hnuaia mi ang hian thupek ka ti chhuak e:

1) Ui vulhtu ten an Ui vulh te Ui a hri danna (Rabies Vaccine) an pe vek tur a ni. Rabies Vaccine hi AH & Vety. Office, Hnahthial-ah Office hun chhungin lak theih reng a ni.

2) Ui vulhtu ten an Ui vulh te khawlaiah an vah mai mai loh nan an khuahkhirh tur a nỉ. Khawlaia an chhuahpul dawn chuan hrui hmangin rinawm takin an kai tur a ni.

3) Ui zun leh ek khawlaiah an hnutchhiah mal mai tur a ni lo.

4) Midang te tana harsatna siam thei zawngin tupawhin Ui an vulh tur a ni lo.

5) The Mizoram Animal (Control & Taxation) Rules, 2016 in a phal angin a neitu tel lova khawlaia Vi chhuak te chu Village Council ten an man thei ang. Ui neitu te hian nikhat zelah Ui chaw man Rs.100/- leh fine Rs.100/- chawiin an khul chhuah tir thei ang a. Ni 7 (sarih) chhunga khul chhuah a nih loh chuan a remchan dan a tih ral (auction) theih a ni ang.

6) Ui khuahkhirh lohvin mihring a seh chuan Section 291 BNS, 2023 hmangin Ui neitu chu thla 6 (ruk) chhung lungin tan emaw Rs.5,000/- thleng emaw chawi theih a ni.

7) Kan thenawm State. Manipur atanga Ui leh Uisa lakluh khap that a ni.

He thupek zawm lo chu Section 223 of Bharatiya Nyaya Sanhita, 2023 dan hmangin hrem theih a ni ang. He thupek hian tul bik thil a tihdanglam a níh loh chuan tihchhuah a nih atanga thla 2 (hnih) chhung a huam ang.

He thupek hi Seal nemin Vawiin, 11th April, 2025 hian hming ka ziah hnan e.