No.1834/2020-2021

Aizawl the 9th June, 2020: Vawiin khan MISTIC (Mizoram Science, Technology & Innovation Council) Governing Body chu an Chairman Chief Minister Pu Zoramthanga hovin CM Conference Hall-ah an thukhawm a. MIRSAC (Mizoram Remote Sensing Application Centre) in Mizoram chhunga GIS behchhan a siam COVID-19 chungchang data kimchang taka tarlanna COVID-19 Dashboard covid19-mizoram-mirsacmizoram.hub.arcgis.com/ an siam chu Chief Minister hian a tlangzarh nghal a ni.

He COVID-19 Dashboard hi GIS software siamtu company lian esri company nena tangdun a siam a ni a. Mizoramah chuan GIS behchhan a covid hrileng chanchin tarlanna web portal hmasa ber niin quarantine centre, critical facility, COVID case support leh data pawimawh hrang hrang, district bil leh state pum, ram pum leh khawvel dinhmun te en theih a ni.

MISTIC chuan COVID-19 hrileng karah mipui him theihna turin kawng hrang hrangah hma lo la tawhin, laboratory ah Hand Sanitizer siamin, heng an hand sanitizer siamchhuah hi local task force, sorkar hnathawk duty leh mamawhtu dangte hnenah pek thin a ni. Hrik inkaichhawn theihna tlem thei zawnga kut hmanga herh haw ngailo kut silna, foot controlled water tap te siamin, COVID-19 chungchang inhrilhfiahna booklet te an lo siam tawh a. Hand sanitizer siam dan inzirtirna mobile app te pawh lo siam tawhin, tun hnaiah RT-PCR khawl hman tur Mizoramin a neih belh theih nan IBSD atangin khawl pakhat hawh tura hma lo la in, June ni 5 khan lo thlengin ZMC ah dah a ni.

Vawiin meeting-ah hian sawrkar kum kalta lama science and technology tihhmasawnna tura hmalakna hrang hrang thlir let niin, kum 2020-21 chhunga hmalakna chhunzawm leh thawh thar tura ruahman chhawpchhuah te an thlirho bawk.

Vawiin meeting-ah hian Governing Body Vice-Chairman Pu H. Rammawi, State Planning Board leh member te an kim thawkhat hle a ni.