Chief Minister Pu Lal Thanhawla chuan vawiin chawhma khan Kolasib Khuangpuilam ah District Sports & Youth Office a hawng a. Hemi hnu hian Kolasib Saidan-ah Sports Training Centre a hawng leh.
Hawnna thu sawiin Pu Lal Thanhawla chuan Kolasib-a Sports Office hawn a ni ta chu thalaite kawng tinrenga kaihhruaina bulpui nitura a duh thu sawiin hnathawktu tlem mah se tih tak takna thinlung pu a, neitu rilru nena hna an thawh a duhthu a sawi a ni. A kaihhruai sawrkar chuan kum khat a paltlang chhungin harsatna lian lutuk tawk lova hmasawnna kawng hrang hrang sawrkar ang leh mipui mimir tana a thlen chhoh avangin lawmawm a tih thu a sawi a. Tunhma a tualthahna, silai tawlhruk leh pawisa lem (counterfeit) nasa tak pawh police te kut phuara awm tawh phelh saka an thiamna hmantir a nih hnuah misual man kawngah nasa takin police ten hlawhtlinna an nei chho ta a ni, Chief Minister chuan a ti a ni.
Pu Hawla chuan inthlan dawna an thil tiam bawhzuiin kawng hrang hrangin hma an la tih a sawi a. Sports lama hna tam tak zingah Rajiv Gandhi Sports Stadium pawh bul tan turin thla leh mai hian a lungphum a ni dawn a. Kum naupangte atanga bul tana ‘Catch Them Young’ thupuia neiin talent hai chhuah runpui neih chu a hlawK hle a ni, a ti a. Tun dinhmunah khawpui aiin thingtlangah Sports mite an thang chak zawk niin a lang ta a ni, a ti bawk. Zirna lamah kan education lungphum siam tha a Mizote khawvel zau zawka intar chhuak ngam khawpa kan inzirthiamna turin education reforms pawh a hmawr bawk tep a nih thute, IT lama chak taka hmalak mek a nih thu leh power mamawh tipung tura tan lak mek a nih thu pawh sawiin, 60MW Tuirial Project tharthawh turte, 200MW Tuivai pawh a senso tur zaa 75 Central sawrkarin a tum dawn thute, Kolodyne tuikhuah tur chungchang thute sawiin Mizote compensation-ah kan buai avanga Tuirial Hydel Project tihthuanawp nilo se chu Mizoram in eng chhit tur peak load a kan mamawh zat 65MW chu tun dinhmunah hi chuan kan nei tawh ngei ang a ti a ni.
Mizoram sawrkarin Pilot Project atana a neih mek NLUP chu Central hotuten an hlut hle a ni Pu Hawla chuan a ti a. Nimin piah mai khan NLUP a sum sen tur Cheng Vaibelchhe 2416 chu kum 5 chhunga hman turin Central Cabinet chuan a approve ta a ni a ti bawk. Leiba tam tak rochungtu an nih avangin sawrkarin fimkhur taka hna a thawh a ngai a, Department tinte chu inrenchemna (Economic Measure) uar turin Chief Minsiter chuan a chah a ni.
Sports Office hawnna inkhawm hi Pu Zodintluanga, Sports Minister in a kaihruai a. Chief Minister thalaite hmakhaw ngaitu, hriselna ngai pawimawh leh zuk leh hmuam that lohzia uar taka zirtir thin kan nei chu lawmawm a tih thu a sawi a ni.
Hawnn inkhawmah hian Pu S.Laldingliana, Parliamentary Secretary, Pu T.T.Zothangsanga, MLA, Pu Nghaklianmawia, Sports Secretary, Pu R.Liankima, Kolasib D.C. bakah Department hrang hrang hotute an tel a ni.
Pu Zoliana Royte, Director, Sports & Youth Services chuan report pe in tuna Sports Office sakna chu tunhma a Youth Hostel tura lo ruahman tawh a niin June 08 ah sa tanin October 08 ah sak zawh a ni a. A sak nan Tuirial Airfield Sports in an rochun tak hmuna Building bungraw hlui tam tak hman a ni a ti a, a vaiin Rs. 8,50,000/- hman a ni a ti a ni.
Sports Office hawn takah hian Officer Pu R.Lalhluna hovin thawktu mi pathum an awm a ni.
Sports Office a hawn zawh hnu hian Pu Lal Thanhawla chuan Kolasib Venglaia Town Hall sakna tur hmun a tlawh a ni.
Pu Hawla chuan inthlan dawna an thil tiam bawhzuiin kawng hrang hrangin hma an la tih a sawi a. Sports lama hna tam tak zingah Rajiv Gandhi Sports Stadium pawh bul tan turin thla leh mai hian a lungphum a ni dawn a. Kum naupangte atanga bul tana ‘Catch Them Young’ thupuia neiin talent hai chhuah runpui neih chu a hlawK hle a ni, a ti a. Tun dinhmunah khawpui aiin thingtlangah Sports mite an thang chak zawk niin a lang ta a ni, a ti bawk. Zirna lamah kan education lungphum siam tha a Mizote khawvel zau zawka intar chhuak ngam khawpa kan inzirthiamna turin education reforms pawh a hmawr bawk tep a nih thute, IT lama chak taka hmalak mek a nih thu leh power mamawh tipung tura tan lak mek a nih thu pawh sawiin, 60MW Tuirial Project tharthawh turte, 200MW Tuivai pawh a senso tur zaa 75 Central sawrkarin a tum dawn thute, Kolodyne tuikhuah tur chungchang thute sawiin Mizote compensation-ah kan buai avanga Tuirial Hydel Project tihthuanawp nilo se chu Mizoram in eng chhit tur peak load a kan mamawh zat 65MW chu tun dinhmunah hi chuan kan nei tawh ngei ang a ti a ni.
Mizoram sawrkarin Pilot Project atana a neih mek NLUP chu Central hotuten an hlut hle a ni Pu Hawla chuan a ti a. Nimin piah mai khan NLUP a sum sen tur Cheng Vaibelchhe 2416 chu kum 5 chhunga hman turin Central Cabinet chuan a approve ta a ni a ti bawk. Leiba tam tak rochungtu an nih avangin sawrkarin fimkhur taka hna a thawh a ngai a, Department tinte chu inrenchemna (Economic Measure) uar turin Chief Minsiter chuan a chah a ni.
Sports Office hawnna inkhawm hi Pu Zodintluanga, Sports Minister in a kaihruai a. Chief Minister thalaite hmakhaw ngaitu, hriselna ngai pawimawh leh zuk leh hmuam that lohzia uar taka zirtir thin kan nei chu lawmawm a tih thu a sawi a ni.
Hawnn inkhawmah hian Pu S.Laldingliana, Parliamentary Secretary, Pu T.T.Zothangsanga, MLA, Pu Nghaklianmawia, Sports Secretary, Pu R.Liankima, Kolasib D.C. bakah Department hrang hrang hotute an tel a ni.
Pu Zoliana Royte, Director, Sports & Youth Services chuan report pe in tuna Sports Office sakna chu tunhma a Youth Hostel tura lo ruahman tawh a niin June 08 ah sa tanin October 08 ah sak zawh a ni a. A sak nan Tuirial Airfield Sports in an rochun tak hmuna Building bungraw hlui tam tak hman a ni a ti a, a vaiin Rs. 8,50,000/- hman a ni a ti a ni.
Sports Office hawn takah hian Officer Pu R.Lalhluna hovin thawktu mi pathum an awm a ni.
Sports Office a hawn zawh hnu hian Pu Lal Thanhawla chuan Kolasib Venglaia Town Hall sakna tur hmun a tlawh a ni.
