Vawiin khan BSF Sector HQ Aizawl chuan an hmunpui Durtlang-ah National Medical Organization, Guwahati Branch nen tangkawpin Free Medical Camp an buatsaih a. BSF lam hi an DIG Shri M.L. Batham a hova, National Medical Organization atangin an Director Shri K.V. Nandedkar a tel bawk a ni.

BSF hotute chuan Free Medical Camp hi Civic Action Programme hnuaia mi harsa zual leh mi chanhai te tan an buatsaih thu sawiin khawtlang tana thil tangkai te an la buatsaih zel tur thu an sawi tel nghal a ni. He Free Medical Camp ah hian doctor panga (5) in damlo mi 200 vel enin, damlote hnenah damdawi cheng nuai khat man vel  a thlawnin an sem bawk a ni. BSF hian hetiang Free Medical Camp hi Bangladesh border a, akhua dep te tan an lo bautsaih tawh thin a. Tun  kum October thla ah pawh Marpara leh Tuipuibari ah an buatsaih leh tur thu an sawi tel a.

BSF hotute chuan kum 2008 ah cheng nuai 100 leh 2009-10 ah cheng nuai 25 vel hmangin Civic Action Programme hnuaia Mizoram tan hmasawnna kawng hrang hrangah hna an lo thawh thu an sawi. Chungte chu thalai leh nu hote tan Study Tour buatsaih te, YMA libraries tan lehkhabu pek te, Blind School, Nauhnuchham enkawlna In te, Community Center te, sum leh pai bakah an thil mamawh pek te a ni.

Attachment

  • Loading attachment...