Mizoram Range Assam Rifles leh Central YMA tangkawpin September thlatirah Rs. 10,000 hlawh theih na tur intlansiak "Jubilee Marathon" an buatsaih dawn.

Mizoram Range Assam Rifles in ram tan a kum 50 chhung zet hna an thawh champha ni 10, Sepember,2010 a lo thleng tur leh CYMA in Mizoram tana rawng an bawl kum 75na lo puitling ta denchhen a neih tur he intlansiak hi chhawng hnihin buatsaih a ni dawn a. District hrang hrangah neih phawt niin September chawlhkar hmasa berah Aizawlah buatsaih a ni leh ang. He intlansiakah hian meizuk thatlohzia mipuite hnena thehdarh na turin "Say no to tobacco" tih thupuiah an hmang dawn a ni.

Assam Rifles hotute chuan he intlansiak a tel duh te tan mahni veng YMA hotute biak tur a nih thu an sawi a. Intlansiaka pakhatna hnenah pawisa fai Rs. 10,000 hlan a ni ang a, a tlan chak zual dangte hnenah pawh lawmman tha tak tak pek a ni ang.