Nimin khan Pu Kunal, IAS, Deputy Commissioner Saiha chuan  BADP, BRGT leh IWDP hnuaia hnathawhte enfiah tur leh NLUP chungchanga mipui sukthlek leh rilru inpuahchah dante hre turin Zawngling, Siatlai leh Tuipang khua te tlawhin, khawchhung tlawmngai pawl leh khawtlang hruaitute a kawm.

Pu Kunal chuan a kalna khuaa Aganwadi leh Zirna In te a hmunah ngei enfiahin, zirtirtute chu tan la zual sauh turin a fuih a. Zawngling khuaa Mary Heichia Special Residential School (Rualbanlote school) Pi Heichia enkawl lai  tlawh nghalin tangkafai Rs. 2,000/- (Cheng sanghnih) in a tanpui bawk.

Pu Kunal, IAS, DC Saiha hi Tuipang khuaa tlawmngai Pawl MTP leh YMA bakah VC ten Tuipang MTP Hall-ah lo hmuakin hnam lam te an entir a, inkawmhona hun an hmang. Pu Kunal hi Tuipang BDO, ADC(P), DCSO, ACF (MADC) leh IPRO ten an tawiawm.

Attachment

  • Loading attachment...