No.3143/2021-2022
Aizawl 25.11.2021: Chief Minister Pu Zoramthanga chuan nimin (24.11.2021) tlai khan DoNER Minister Pu G. Kishan Reddy chu a pisa ah hmu in, Mizoram economy chungchang thu pawimawh hrang hrang an sawi dun.

Chief Minister chuan Gross Budgetary Support atanga hmarchhak state te tana 10% an pek tur chu tun financial year chhung hian an hmuh tur zat hmuh a nih loh thu te, bamboo development atana link road siam a pawimawh thu leh chumi atan chuan sawrkar laipui atana puihna state in a mamawh thu a thlen a. Mau leh rua tam mahse link road awm loh avanga a phurhna transportation cost a san phah avanga mau chingtute leh bamboo based industry neitute tan a hlawk loh phah thu sawiin, link road siam theih a nih chuan he harsatna hi a sutkian tur thu Chief Minister hian a hrilh a ni.

DoNER Minister bulah hian India hmarchhak state te'n hmasawnna tak tak an hmuh theih nan DoNER kaltlanga sum pek dan leh pek zat te, hnathawh dan engemawchen ennawn ngai nia a hriat thu a sawi bawk a. Aizawl khawpui tawt tiziaawm tura bypass road siam mamawhna leh, chumi atan chuan ruahmanna lo siam a nih tawh dan te hrilh bawkin, chumi siamna tur fund dil chu hmuh ngei a beisei thu hrilhin a ngen nghal a ni.

Chief Minister hi State Planning Board Vice-Chairman Pu H. Rammawi, Adviser to CM (Tech) Er. K. Lalsawmvela, OSD to CM Pu Rosangzuala leh official dangte'n an tawiawm a ni.

Attachment

  • Loading attachment...