Energy renchem chungchanga State Designated Agency for Energy conservation, Mizoram leh Bureau of Energy Efficiency (B.E.E.), Govt. of India tangkawpina buatsaih, ‘Seminar on B.E.E. Standard & Labeling and CDM Awareness’ Secretariat conference hall, New Capital Complex, Khatla a neih chu vawiin khan P & E Department changtu, Chief Minister Pu Lal Thanhawla chuan a hmanpui.
Chief Minister chuan Mizote hian renchem taka electric hman (energy conservation) hi kan la thiam tawk lo nia a hriat thu sawiin, hetiang hun pawimawh tak helaia buatsaih a ni chu lawmawm a tih thu a sawi a. Thenawm state atanga rawn telte chu chibai bukin, seminar chu hlawkpui taka chhim turin duhsakna a hlan a. Pu Lal Thanhawla chuan Mizoram-ah sorkar-in hydel project a bun tawhte leh thawh mekte sawilangin, heti chung pawh hian power supply lamah kan la hnianghnar lo hle a ni, a ti a. State dang atanga power kan chawkluhte hi kalkawngah nasa takin a bo thlau a (massive transmission loss), hei tih reh a ngai a ni a ti. Leihnuai hausakna, Gas ah chuan deposit thahnem tak kan neih thu a sawi bawk. Chief Minister chuan seminar chu hlawhtling taka an hman theih nan a duhsakna sang ber a hlan a ni.
Hun hmasa kaihruaitu, Chief Secretary Pu Vanhela Pachuau chuan Mizoram chuan kawlpetha siam chhuah nana hnar tha tak kan neih thu sawiin, sum indaihlohna avangin tih puitlin a harsat rih thu a sawi a. Pawnlam atanga power kan lakluhna a load dispatch centre te pawimawhna sawiin, hmarchhak state te hian rualkhai zawka power kan insem tlan tul a tih thu a sawi bawk a ni.
B.E.E. hian energy conservation kalpui tur hian eng agency pawh mawhphurgna a lak tir thei a. Energy Conservation Act, 2001 in a phut angin, Mizoram State Designate Agency chu Electrical Inspectorate, P & E Department, Govt. of Mizoram a ni a. Kum 2008 khan tihfel a ni. Energy renchem lam hna an thawh bakah sik leh sa inthlak danglam (climate change) tih ziaawm dan tur hna thawk tu an ni – Clean Development Mechanism (CDM).
Seminar-ah hian Arunachal Pradesh, Manipur, Meghalaya leh Nagaland atangte in aiawh 1 theuh bakah New Delhi atangin B.E.E. officials, CDM lama mithiam te an tel a. P & E hotute, PHE official te leh Mizoram Entrepreneurs Network (MEN ) atangte in an tel bawk a ni.
Hun hmasa kaihruaitu, Chief Secretary Pu Vanhela Pachuau chuan Mizoram chuan kawlpetha siam chhuah nana hnar tha tak kan neih thu sawiin, sum indaihlohna avangin tih puitlin a harsat rih thu a sawi a. Pawnlam atanga power kan lakluhna a load dispatch centre te pawimawhna sawiin, hmarchhak state te hian rualkhai zawka power kan insem tlan tul a tih thu a sawi bawk a ni.
B.E.E. hian energy conservation kalpui tur hian eng agency pawh mawhphurgna a lak tir thei a. Energy Conservation Act, 2001 in a phut angin, Mizoram State Designate Agency chu Electrical Inspectorate, P & E Department, Govt. of Mizoram a ni a. Kum 2008 khan tihfel a ni. Energy renchem lam hna an thawh bakah sik leh sa inthlak danglam (climate change) tih ziaawm dan tur hna thawk tu an ni – Clean Development Mechanism (CDM).
Seminar-ah hian Arunachal Pradesh, Manipur, Meghalaya leh Nagaland atangte in aiawh 1 theuh bakah New Delhi atangin B.E.E. officials, CDM lama mithiam te an tel a. P & E hotute, PHE official te leh Mizoram Entrepreneurs Network (MEN ) atangte in an tel bawk a ni.
