Vawiin chawhma dar 8:30 ah khan Pu Lal Thanhawla, Chief Minister chuan Govt. Fish Farm Zobawk a tlawh. Chief Minister hi a thiannu Pi Lal Riliani’n a tawiawm a ni.
Amah lo hmuak tu te hma a thu sawiin kan ram leh mipui siam that hi kan sawrkar chuan a tum ber a ni, a ti. Chumi avang chuan Zobawk bula Sport Complex leh District Park, he Fish Seed Farm tiamin siam puitlin nan sum tam tak sawrkarin a ruahman a ni, a ti. Zirna, Games & Sports etc. tih hmasawn tumin ruahmanna tam tak a siam bawk, a ti. NLUP hi retheite chhanchhuah nan hman kan tum a, kan ram leh hnam dinchhuah nan a nih avangin mitin tan lak a ngai a ni a ti. Agriculture University emaw College emaw tal neih kan tum bawk, a ti. Mizoram hi Power & Electricity ah intodelh turin hma lak mek a ni, a ti. Sawrkar dik nei tur chuan mipui kan dik phawt a ngai a, dikna, rinawmna leh taihmak na nen kan thawh theuh a ngai a ni, a ti. Mizoram hmasawnna tur hi mipuite ah a in nghat a ni a ti. He Fish Seed Farm ram chhung ah hian mi hausa leh thil tithei thenkhat ten hmun neih an turn dawna, chu chu Department leh khawtlang hruaituten dodala theih tawpa venhim a ngai dawn a ni a ti.
Chief Minister hi Minister, Vice Chairman HPC, Parliamentary Secretary, MLA leh Official engemaw zat in Lunglei Bawrhsap ho in an tawiawm a ni. He Govt. Fish Seed Farm, Zobawk hi a area zau zawng 7.5 Hectares a nia, Nursery ponds 2 nos, arearing ponds 3 nos, Brooder ponds 2nos leh stocking ponds 1 no a nei a ni.
Chief Minister hi Minister, Vice Chairman HPC, Parliamentary Secretary, MLA leh Official engemaw zat in Lunglei Bawrhsap ho in an tawiawm a ni. He Govt. Fish Seed Farm, Zobawk hi a area zau zawng 7.5 Hectares a nia, Nursery ponds 2 nos, arearing ponds 3 nos, Brooder ponds 2nos leh stocking ponds 1 no a nei a ni.
