Chief Minister Pu Lal Thanhawla chuan vawiin khan Mizoram Governor Pu Vakkom B.Purushothaman chu central sorkarin Nagaland Governor ni tura a sawn avangin Lengpui Airport-ah a thlah. Hemi hnu hian Mizoram Governor thar tur Dr. Kamla Beniwal chu Lengpui Airport-ah vek alo hmuak thleng bawk a ni.
Mizoram Governor chhuak ta Pu Vakkom B.Purushothaman hi Mizoram sorkarin Lengpui Airport Tarmac(Apron) ah Ceremonial Farewell function buatsaih sakin 1st leh 3rd MAP ten Guard of Honour an pe a.Thlah liam anih hnu hian Chief Minister Pu Lal Thanhawla chuan Mizoram Governor thar tur Dr.Kamla Beniwal chu Lengpui Airport ah vek alo hmuak thleng leh a. Governor thar tur hi Ceremonial Reception Function buatsaih sak bawkin, 1st leh 3rd MAP ten Guard of Honour an lo pe bawk a ni. Dr.Kamla Beniwal hi vawiin vek khan Gujarat atangin Gujarat sorkar thlawhna in alo thlawk thleng a, a ADC leh chhungkaw member pali ten an rawn zui a ni.
Mizoram Governor thar tur hi zanin dar rukah Raj Bhawan Durbar Hall-ah Justice B.K.Sharma, Judge Gauhati High Court in Mizoram Governor ni tura rinawmna thutiam tirin a la lut ang.
Governor thlah tak leh a thar tur lo hmuahna ah hian Pu R.Romawia, Minister for Higher Education etc, Dr. B.D.Chakma, Minister of State for Sericulture etc, Chief Secretary Pi L.Tochhawng, Principal Secretary to Chief Minister Pu Lalram Thanga, DGP Pu Dharmendra Kumar, Autonomous District Council hruaitute leh official te an tel a ni.
- Loading attachment...