Mizoram Chief Minister Pu Zoramthanga chu tukin zing khan Guwahati Mizo Welfare Association hruaitute nen inhmu in, mamawh hrang hrang an thlen te chu a ngaihthlak sak a. An thu thlen zingah Guwahati a Mizo thlanmual ram hung an nih theih nan hmalakpui a tiam a; Ambulance thar an dilna pawh a remchang hmasa ber a lo ngaihtuahpui a tur thu a sawi bawk. Guwahati Mizo Welfare Association ten an mamawh naa an hman turin Chief Minister hian cheng singthum a pe bawk.

Chief Minister hian nimin khan Guwahati Airport-ah Regional Executive Director, Airport Authority of India, North East Region nen an inkawm bawk a. Hetah hian Lengpui Airport tihchangtlun dan tur te sawi dunin, rang thei ang ber a hmalak ni se tia rel a ni.

Chief Minister Pu Zoramthanga hi Guwahati ah Citizenship Amendment Bill chungchanga India hmarchhak Political Party-te intawhkhawmna, vawiin a buatsaih chu hmangin a kal a ni a, vawiin chawhnu khan Mizoram a lo thleng leh a ni.