93/2022-2023
Aizawl 8.4.2022: Chief Minister Pu Zoramthanga chuan tukin khan Hlimena Transport Department ram (Central workshop) chu tlawhin, hmasawnna ruhrel dinna tur a enfiah.

Helai hmunah bus parking area siamna tur ruahman chhin chu enfiahin, daihzai zawka helai ram hi hman a nih theih a, a tul ang zela hmasawnna ruhrel dang din belh zel theihna tur ruahman tel tha an ti a; project duan mekah siam danglam ngai laite an sawiho a ni.

Chief Minister hi Transport Minister Pu TJ Lalnuntluanga leh Aizawl South-III bialtu MLA Prof. F. Lalnunmawia ten an tawiawm a. PWD thawktute an tel bawk a ni.