Vawiin khan Chief Minister Pu Lal Thanhawla chu a Pisa ah Pu Brieflee Lyngkhoi, Director, Ministry of Power, Central Electrical Authority, North Eastern Regional Power Committee chuan a hmu a. Bongaigaon Thermal Power Plant hmang tangkai tur Hmarchhak state hrang hrang Chief Minister ten a ruala Ministry of Power hnena he power plant atanga kawlpetha siamchhuah tur a man bituk sang chu power subsidy hmanga a man tihniam tura ngenna lehkha an siam chu Pu Lal Thanhawla pawhin sign-in thehlut turin Pu Lyngkhoi hi a pe a. Hemi rual hian Chief Minister hian 400kv D/C Silchar-Melriat line thar pawh a hun bituk March 2017 a peihfel hman ngei turin Ministry lamah thlen turin Pu Lyngkhoi hi a chah bawk a ni. Bongaigaon Thermal Power Plant hi MW 750 pe chhuak thei tura duan mek a ni a, MW 250 hi commissioned ni tawh niin MW 250 hi kumin kum tawpa commissioned beisei niin a bak MW 250 hi nakum laihawl vela commissioned beisei a ni.