3379/2023-2024

Dated Aizawl, the 17th January, 2024: Vawiin khan Chief Minister Pu Lalduhoma chuan a office ah Pu Ulac Demiraq, Country Director, India, International Fund for Agriculture Development (IFAD) a kawm.

Chief Minister hian IFAD kaltlanga hnathawhte a lo hmuh hlawm tawh thu a hrilh a. Covid hripui avanga an beisei anga hna an thawh theih loh dan te, inthlanpui avanga an sum leh pai che vel a muan thute a hriatpui tih a hrilh a ni. Chuvang chuan an hmalakna te chu a hun chhung pawhsei a tul a tih thu a hrilh a ni. Tin, tuna FOCUS hmalakna hian district paruk chauh a huam avangin district zawng zawng huapa hmalak zui zel tha a tih thu pawh a sawi a ni. Chief Minister hian, loneitute hmasawn zelna an ngaihpawimawh thute, thlai thar thlan bik leina tur an ruahman thute hrilhin, heng thlai bika kan tharchhuah te pawh kum khat hnuah chuan nasa taka a pun chhoh a rin thu a lo hrilh a ni.

Pu Ulac Demiraq hian International Fund for Agriculture Development in FOCUS kaltlanga hma an lak tawh chin te, an hlawhtlinna hmuh tawh te, hmabak an la neih te leh hna an kalpuina kawnga harsatna an tawh te Chief Minister hnenah hian an thlen a, FOCUS 2.0 an duan mek chu sawrkar policy nen a inmil hle a, a hlawhtlin ngei theih nan a tanpuina an dil a ni.

Country Director hi Programme Analyst hi Pu Priyush Kanal, Dr. H. Lianzela, Secretary, Agriculture Department leh FOCUS a thawk official pawimawhten an tawiawm a ni.