3744/2023-2024

Dated Aizawl, the 8th February, 2024: Vawiin tlai khan Chief Minister Pu Lalduhoma chuan IIT-Guwahati Electronic & ICT Academy Department te Computing & Skilling Facility Center thar a hawng.

A hawnna inkhawmah thusawiin Chief Minister chuan, IIT Guwahati chu mithiam tak takte chherchhuahna hmun chhuanawm, National Institutional Ranking Framework tehnaa India rama zirna in tha pasarihna ni thei a ni a. Electronic & ICT Academy pawh hi Prime Minister zahawm tak Pu Narendra Modi-an a lo hawng tawh a nih kha. Vawiinah chu department Computing & Skilling Centre ka hawng thei hi a ropui ka ti a, ka lawm hle a. Electronic & ICT department hian Mizoram-ah Information technology lam zirna course te, Lab Facility hawn an duh tih te ka hriatin kan phur hle. Kan sawrkar in helama thalaite tana remchang buatsaih a tumna nen a inmil hle a ni, a ti. Chief Minister hian a kaihhruai sawrkarin Hand Holding Policy hmanga thalai, hlawhtlin ngei tum theihna neite chu an thiamna leh theihna zawna an bana kaia tanpui a tum thu a tarlang bawk.

He hunah hian Prof. Rajeev Ahuja , Officiating Director, IIT Guwahati, Prof. G. Krishnamoorti, Dean, Industry Interaction & Special Initiatives (II&SI), Dr. Gaurav Trivedi, Asst. Professor & Principal Investigator te leh mi pawimawh dangte an tel a ni.