3745/2023-2024

8th February, 2024 : Vawiin Khan  Mission Vatsalya hnuaia District Child Welfare and Protection Committee chu vawiin khan Pu M. Misael, Addl. DC, Champhai hovin DC Conference Hall, Keifangtlangah an thukhawm.

He hunah hian Chairman Pu M. Misael chuan Mission Vatsalya  thupui atan "Leave No Child Behind" tih chu neih a nih thu sawiin India ramah naupang za zel 39 awm te himna chu sawrkarin a ngaihpawimawh em avangin District Child Welfare and Protection Committee hi a din thu a sawi.

Pu Lalrinmuana District Programme Officer(DPO) chuan meeting Agenda sawifiahna neiin Pi R. Lalrinchhani, District Child Protection Officer(DCPO) , Champhai in Power Point Presentation pein Kum 2022 atang Champhai ah Mission Vatsalya hi din a nih thu a tarlang a, a innghahna ber chu The Juvenile Justice (Care and Protection of Children) Act, 2015 leh The Protection of Children from Sexual Offences Act, 2012 a nih thu a sawi a, India rama naupang tinte tan naupan lai hun hrisel leh hlim tak neih a, an theihna zawng zawng hmuchhuak thei tura hun remchang siamsak a, kawng engkimah,  pangai taka an lo thanlen  theihna tura tanpui  chu a tum ber niin. Naupang enkawltu nei lo leh a bika enkawlna mamawh te, Naupang dan bawhchhe tute leh thil tihsualnaa hriatpuitu te chu an target ber an nih thu a sawi a, Mission Vatsalya hnuaia hma an lo lak tawhna te a tarlang a, naupang venhim ngai leh harsatna tawk an awm chuan helpline number 1098 ah biak theih reng an nih thu a sawi bawk.

Report a tarlan a nih danin, Naupang venhimna ngai bik te Rose Children Home leh Genesareth Gospel Home ah dah an ni a, naupang dan bawhchhia te chu Champhai Observation Home ah dah an ni. Heng Home ah hian naupang 665 awmin, an zinga mi 381 chu mipa niin mi 284 te chu hmeichhia an ni.

Kum 2015 atang naupang te hnenah tanpuina pawisa an pe tan a, naupang 398 te hnenah pe tawhin tunah hian 130 te pek tura ruahmanna kal mek a ni. Naupang 1 ah cheng 4000 zel an pe thin a ni. Awareness Programme vawi 328 an nei tawh a, Capacity and Sesitization Programme hi vawi 295 an nei tawh bawk.

CWC hnuaiah kum 13 chhungin case 1004 an nei tawh a, kum 2014 atang 2015 chhung khan CWC hnuaiah case 146 a awm a, kum 13 chhunga case neih tam ber tum a ni a, kum 2021 atanga kum 2022 chhung khan case 28 awmin kum 13 chhunga case neih tlem ber tum a ni a, kum 2023 atanga January, 2024 thleng khan cas 36 a awm tawh a ni.

Juvenile Justice Board hnuaiah kum 13 chhungin case 435 a awm tawh a, kum 2015 atanga 2016 chhung khan case 56 awmin hei hi kum 13 chhunga case tam ber tum a ni a, kum 2020 atanga 2021 chhung khan case 18 a awm a, hei hi kum 13 chhunga case neih tlem ber tum a ni a, kum 2023 atanga January 2024 chhung hian case 26 a awm tawh a ni.