Confederetion of Indian Industry (CII) ina a huaihawt, INFRA EAST 2015 chu vawiin khan ITC Sonar, Kolkata a neihah Chief Minister Pu Lal Thanhawla chu khuallian niin, a hmanpui.

Chief Minister chuan India hmarchhak bial hi hmasawnna hna in a mamawh em em infrastructutre hrang hrang a tlakchham avangin India hmun dang te aiin kan hnufual bik hle a ni a ti a. Independence hmalam hunah te chuan Asia chhimchhak ram te nena insumdawnna bulpui ber chu Kolkata a ni thin a, chunglai hunah chuan kan ziaawm ve hle a ni tiin, Pu Hawla chuan Independence hnulamah ngaihthah kan ni ta a, hma kan sawn chaklo hle a ni a ti. Hmasawnna ruhrel hrang hrang kawngpui siam ah te, rel leh thlawhna lamah te, telecommunication ah te leh thil siam chhuahna tura industry din thuah te ngaihven kan mamawh a, heng hmasawnna mamawh tul zual bikte hi sorkar leh hmasawnna duhtu CII te hian hma rawn se tiin ngenna a siam nghal a ni.

CII hi sorkar nghenchhana ding a nilo a, kan chhehvel boruak tichhelo zawnga India hmasawnna kalpui tu pawl, abikin industry dinna lama ke pentu pawl lian tak a ni.

Chief Minister hi vawiin tlai vek khan New Delhi panin a thlawkchhuak leh nghal a. Naktukah Prime Minister hoa NITI Aayog meeting neih turah a tel ang.