3310/2023-2024

Dated Aizawl, the 11th January, 2024: Chief Minister Pu Lalduhoma chuan vawiin khan Indian Weightlifting Federation, Youth, Junior leh Senior National Weightlifting Championships Itanagar, Arunachal Pradesh a, December 28, 2023 - 7 January, 2024 neih zawh taka a vawi hnih nana Senior National Weightlifting Championships, mipa huanga Best Lifter atana thlan Jeremy Lalrinnunga chu a Bungalow ah lawmpuina thingpui a inpui. Chief Minister hi Dr. Vanlalthlana, Minister, I&PR, etc., chuan a tawiawm a ni.

Chief Minister hian, Mizo thalai, la naupang tak infiamna lama khawvel hmelhriat kan nei hi lawmawm ka ti a. Mizoram leh India ti hming tha ni tura bei chhunzawm zel turin ka ngen che a ni, tiin a lawmpuina leh duhsakna a hrilh a ni. Jeremy Lalrinnunga hian inelna lian tham lo awm tur atana inbuatsaihna a neih mek dan te leh hlawhtlinna a lo chan tawhte  Chief Minister hi a hrilh a ni.

Best Lifter-ah hian Jeremy Lalrinnunga hi Senior National 2020 khan Kolkata, West Bengal ah khan thlan a lo ni tawh a, Senior National Weightlifting Championships ah Vawi thum Gold a lakna a ni. Youth Olympic Gold Medalist a lo ni tawh bawk.

Jeremy Lalrinnunga hi a pa Lalneihtluanga leh Mizoram Weightlifting Association hruaituten an rawn tawiawm a ni.