3309/2023-2024

Dated Aizawl, the 10th January, 2024: Vawiin khan Thenzawl Dragon Fruits Growers & Marketing Society te chuan Chief Minister Pu Lalduhoma chu a pisaah hmuin an pawlin dragon fruits an chinna hmun panna kawngpui siam sak turin an ngen.

Society hruaitute hian hmun zau takah dragon fruits a hlawm (cluster) a an chin thu sawiin, an hmunhma panna kawngpui hi SEDP atanga thawh a ni a. Amaherawh chu hmun thenkhat a chhuk chho zual lai, lirthei full load in a tlanpui theih lohna te, hmun thenkhat zim zual lai te, huan awmkhawm (zau) inkalpawhna te siam tul tak engemawzat a la awm thu an sawi a ni.

Chief Minister hian an dilna te chu tihhlawhtlin sak a tum tur thu a hrilh a, an hmunhma pawh tlawh sak a tum tur thute a hrilh bawk.

Thenzawl Dragon Fruits Growers & Marketing Society hruaitu Pu C. Lalrinthanga, Secretary Pi Gaby Zosangpuii leh Vanlalhruaia, Treasurer ten Chief Minister hi an hmu a. An pawl huanah hian a tirah an member chhungkaw 69 leh mimal pathum ten kung 36000 phunin bul an tan a, a hnuah kung engemawzat an phun belh leh tawh a ni.