No.5951/2020-2021  

Aizawl 10.10.2020: Chief Minister Pu Zoramthanga chuan vawiin khan Vaivakawn leh Bawngkawn a kawngchhawng siamna tur hmunhma a en.

Chief Minister ho hian zirchianna nei tura rawih consultancy company TCIL (Telecommunications Consultants India Limited) ten lehkha a ruahmanna an siam chu a hmunah engineer rual hovin a en a. Khawpui chhunga kawng peng thuam pawimawh tak pahnih Vaivakawn leh Bawngkawn a traffic tawt lutuk tur tihziaawm theihna tura ruahmanna awm chu en in, Transport Department rama lirthei tam tham tak lenna tur parking area siam theihna tur te an thlithlai a ni.

Vawiin hian Chief Minister chu Planning Board Vice-chairman Pu H. Rammawi, Chief Secretary Pu Lalnunmawia Chuaungo, Addl. Chief Secretary Pu J.C Ramthanga bakah UD&PA department leh PWD hotuten an tawiawm a ni. Vaivakawn, Chaltlang Lily Veng leh Banwgkawn khawtlang hruaitute leh tlawmngai pawl hruaitute bakah AMC Councillor theuh ten an lo dawng sawng a ni.