DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/khawzawl-district-ah-quarantine-lai-awm-rih-lop

KHAWZAWL DISTRICT AH QUARANTINE LAI AWM RIH LO

No.5952/2020-2021

Dated Khawzawl, the 10th October, 2020: Khawzawl District chhunga quarantine mek mi pasarih (7) te chu nimin leh vawiinah an swab sample-te test niin, an result a tha (negative) vek a, vawiin chawhnu khan an vaiin chhuahtir an ni.

Tun dinhmunah Khawzawl District chhungah Quarantine lai an awm lo a, Covid-19 hrileng vanga inkhunghran tan a nih hnuah tun hi khunghran an awm loh vawikhatna a ni nghe nghe.

Vawiina Quarantine chhuahsante hi mipa pathum (3) leh hmeichhia pali (4) an ni a. Sawrkar Quarantine Facility leh Hotel Paid Quarantine atangin mipa pakhat ve ve an chhuak a, midang pangate chu Home Quarantine lai an ni thung.

Khawzawl District-ah hian Covid-19 hrileng vanga khunghran mi 336 an awm tawh a. Positive case pali (4) awm tawhin, anni pawh hi an dam tha leh vek tawh a ni.

Attachment