Chief Minister Pu Lal Thanhawla chuan vawiin khan Chaltlanga Tourist Lodge Conference Hallah Kayakalp Award Ceremony hlanna inkhawm a hmanpui.

Chief Minister chuan Kayakalp scheme chu Swatchh Bharat Abhiyan atanga duan chhuah, damdawiin, public health facility ten faina kawnga hma an lakna tura tih a ni hi a lawmawm hle a ni tiin, scheme tha tak a ni a ti a. Damdawiin fai tehna tura a tehfung hman turte hi kherkhiap hle mahse lawmman dawng thei, damdawiinte chu a lawmpuithu a sawi a. Hospital te fai mahse damlo kan inkan danah Mizote hian zir tur kan la ngah hle a, damlote bula awm a, biak kan tum tlat te hian damlo ten an chauh phah thei zawk a ni a ti a. Phai lama damlo inenkawlnan sorkarin sum tam tak a seng thin hi a zahthlak a, hmun danga in refer kher ngailo a, kan civil hospitala inenkawl theih dan kan dap a hun tawh a ni tiin, a nei ber angakankhawsa hi a diklo a ni a ti. Hmanrua neih ngaite pawh a neih theih dankandap mai tur a ni a ti.

Chief Minister chuan faina lamah chuan allIndialevel atanga thlir chuan Mizoram chuan hmakansawn hle a ni a ti a. Health department hi faina lama hma latu ber awm a ni a ti. Bawlhlawh sawngbawlna lamah erawh, abikin solid waste management ahkanla changkang tawklo hle a ni tiin, Kayakalp hi a hmang tangkai berkannih a pawimawh hle a ni a ti.

Award ceremony inkhawmah hian Health Secretary Pu Lalhmingthanga chuan kalkhawmte lawmna thu sawiin ‘Kayakalp” tih chu Hindi tawng, insiamtharna emaw intuaitharna tihna anih thu a sawi a, swatchh bharat abhiyan atanga lo piang a ni a ti.

Kayakalp in a tum ber chu mihring hriselna lama inenkawlna hmun, damdawiinte leh public health facilty reng reng fai taka enkawl leh natna hri darh thei (infection) tih tlem a ni a. India ramah chuan 15th May 2015 khan hawn (launch) a ni tawh a, Mizoramah chuan 9th July 2015 khan hawn ve a ni. A bul tan kumah hian district hospital theuh an inel phawt a, kum thar atang chuan community health centre (CHC) leh primary health centre (PHC) te pawh tel tura ruahman a ni.Kayakalp scheme inkaihhruaina angin sorkar damdawiin zawng zawngte chu hmuh nuam, mawi leh fai tak ni tura tih ngei ngei tur list tam tak a awm a. Hengte hi hlawm lian tak tak 6 a then hran an niin, an hnuai theuhah zawm tur tam tak a ala awm teuh bawk a, avaiin tehfung leh zawm tur 250 a awm a ni.

Kayakalp lawmman pakhatna (Kayakalp Award) dawngtu hospital chuAizawlCivilHospitalniin, Rs.50 lakhs leh citation an dawng a, Pahnihna (Commendation Award) chu Kolasib district hospitalin dawngin Rs.3 lakhs leh citation an dawng bawk a; Pathumna chu Mamit district hospital niin citation an dawng bawk a ni.