Vawiin khan Lunglei Circuit House Conference Hall-ah MP(Lok Sabha) Pu CL Ruala hovin District Level Vigilance & Monitoring Committee an thukhawm a, Lunglei District huamchhunga sorkar laipui ruahmanna hrang hrang kalpui mek dan leh hlawhtlin tawh dan te an sawiho. Vawiin Vigilance & Monitoring 2nd Quarterly meeting-ah hian Lunglei DC Pu Ashish Madhaorao More, DRDA Lunglei Project Director Pu Joseph H. Lalramsanga bakah Central Scheme kaihhnawih department officials te an tel.

Meeting kaihruaitu MP Pu CL Ruala chuan kum khatah quarterly meeting hi vawi 4 neih tur a nih laiin rokhawlhna vangin vawiinah a vawi 2-na chauh neih theih a ni a, department officials ten meeting ngai pawimawhin an kal kim hle chu lawmawm a tih thu a sawi a. District pumhuapa Vigilance & Monitoring Committee bakah hian Social Welfare, Power & Electricity leh Health Department kaltlanga Schemes te tan a hranpain Vigilance & Monitoring kalpui a ni mek bawk tih a tarlang.

Vigilance Meeting-a Department hrang hrangten ruahmanna an kalpui dan langsarzual te chu a hnuaia mi ang hi a ni :

1. MGNREGS : hnuaiah kumin 2015-2016 chhung atan sorkar laipui atangin Cheng nuai 651.69 dawn a ni a, hei hi Job Card nei mi 34095 hlawh atan hman a ni a. MGNREGS hnuaiah ni 9 theuh thawh tir niin hna chi hrang 23 thawh tir an ni a; chungte chu - Terracing, Mulberry bush plantation, M.orange plantation, Oil Palm plantation, Mango plantation, Banana plantation, Rubber plantation, Block plantation, Papaya plantation,Bamboo plantion, Dragon fruit plantation, Roadside plantation, Internal roads, Farm net road, Side drain, Drainage channel, Compositpits, Community nursery, Eco restoration, Contuor trenches, Fish pond, Playground leh Water tank te a ni.

2. IAY : hnuaiah nikum 2014-2015 chhung khan In 159 sak tawh a ni a. Kumin chhungin RD Block 4 - Lunglei, Hnahthial, Lunglen leh Bunghmun - ah a vaiin In 389 sak tum a nih laiin hnathawhna turin sum dawn a la ni lo.

3. NHM : hnuaiah Health Department chuan hmalakna hrang hrang a kalpui mek a, kumin May-September 2015 chhungin mipuite hriselna lama inhrilhhriatna Awareness Campaign an neih thin bakah Free Mobile Clinic vawi 8 an nei tawh a. Kumin May-August 2015 chhungin naupiang 800 awmin nausen thi (infant deaths) 22 an awm a; naupai lai te chu uluk zawka vilin vaccine lak tur a hun taka pek tum zel a ni a, naupang kum 5 chin hnuailamte pawh zaa za 100% vaccination hlawhtlinpui tum mek a ni bawk.

4. DDUGJY : Thingtlang khaw tam zawka kawlphetha pek tura ruahmanna awm san RGGVY chu tih tawp niin tunah hian Deen Dayal Upadhyaya Gram Jyoti Yojana (DDUGJY) kalpui tum a ni a. Hemi hnuaiah hian Lunglei District chhungah chuan Mualthuam ‘N’ leh Tawipui ‘N’-ah Sub-Station thar bun bakah Hnahthial leh Tlabunga Sub-Station thawmthat tum a ni.

5. PMGSY : hnuaiah kawngpuisiamtur (Road Work) 5 a awm a, chungte chu - Hnahthial-ah 1 (13.500km), Lungsen-ah 1 (6.384km), Lunglei-ah 2 (20.39km) leh Bunghmun-ah 1 (11.120km) te a ni a; heng atan hian sum sanction tawh a ni.

6. NRDWP : hnuaiah hian S.Khawlek-ah Rain Water Harvesting Scheme zawhfel tawh a ni a. Heng khuate - Lungchem; Lamthai I,II & III; Marapara ‘S’; Rangte leh S.Chawngtui ah te Rain Water Harvesting / Water Supply Scheme te kalpui mek a ni bawk. PHE chuan khaw 44-ah Ekin 3272 sak hna an thawk mek bawk a, Soild & Waste Management Scheme an kalpui mek bakah khaw 2-ah Community Sanitary Complex sak tum a ni bawk.

7. Swachh Baharat Vidhalaya Under SSA Mission : hnuaiah Swachh Bharat Kosh (SBK) kaltlangin Hmeichhe inthiarna (toilet) 35 leh Mipa toilet 21 sak zawh tawh a ni a. Swachh Bharat Vidhalaya Phase-I hnuaiah Boys toilet 59 leh Girls toilet 3 sak zawh tawh a nih bakah Phase-II hnuaiah Boys toilet 59 sak mek a ni bawk.