DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/chief-minister-in-lengpui-airport-hnathawh-enfiah1589019907p

Chief Minister in Lengpui Airport hnathawh enfiah

No.933/2020-2021

Chief Minister Pu Zoramthanga chuan vawiin khan Lengpui Airport a hnathawh mek chu a hmunah a enfiah. Mamit bialtu MLA Er. H. Lalzirliana chuan a tawiawm a ni.

Lengpui Airport Runway resurfacing hna chu an thawk zo thawkhat tawh a. Apron extension te, runway sir a tui luan kawr siam mek te, airport hungna security fencing leh Lengpui airport tui lakna tur ruahmanna thar leh terminal chhung siamthat ngai te Chief Minister chuan Civil Aviation, PWD leh PHED hotute nen enfiahin ruahmanna te an sawiho a.

Chief Minister chuan tui lak chungchangah tuna ruahmanna awm mek bakah ruahtui khawl theih dan tur ngaihtuah tha a tih thu a sawi a. Airport a hna kal mek chu lockdown laiin a tam thei ang ber thawh zawh tum turin thawktute a chah a ni.

Vawiin hian Chief Minister hi Principal Consultant, Civil Aviation, PHED Engineer-in-Chief, PWD Chief Engineer leh thawktu dangten an tawiawm a ni.

Attachment