Chief Minister Zoramthanga chuan tukin khan Lengte ah Jal Shakti Abhiyan hnuaia ruahtui khawlna “Demountable Reservoir Tank” siam chu a hmunah a enfiah. Chief Minister chuan tui mamawhna a sang zel a, fur hun reilote chhunga malsawm ruahtui kan dawn theih ang zela kan khawl hi kan tih makmawh a ni, a ti.

Jal Shakti Abhiyan hi ruahtui khawl a, renchem leh daihzai taka hun lo kal zel tur ngaihtuah chunga tui hman kawnga hmalakna, kumin kumtir a Union Jal Shakti Minister Pu Gajendra Singh Shekhawat a tlangzarh a ni a. India ramah district 256 leh block 1592 huamin, sawrkar laipuia ministry hrang hrang leh state sawrkarte thawhhona niin, Department of Drinking Water and Sanitation in a khaikhawm a ni.