Mizoram Youth Commission Chairman atana ruat thar, Dr. Vanlaltanpuia  chuan MYC Chairman a nihna anga official program hmasa ber atan Dt. 16.7.2019 khan Joint Mizo Students Union buatsaih Inter State Mizo Students Meet, Shillong-ah a hmanpui a. He hun hi hlawhtling taka hman niin, Mizo zirlai thahnem tak an fuan khawm a, Mizoram atang  zirlai pawl hruaitu ten an telpui bawk. Zirlai kalkhawmte hian an thiam thil hrang hrang he hunah hian an entir a ni.

He hunah hian James Sangma, Hon’ble Home Minister, Meghalaya chu khuallian a ni a. Mizoram Youth Commission Chairman chuan khual zahawm a nih anga thusawiin, Shillong chu zirna hmun pawimawh tak anih angin midangte tana entawntlak leh mizo nunze mawi chawi nung tlat turin a fuih a, North East States hrang hrangte chu CAB do kawngah tanrual a tul takzet a ni tih a sawi bawk a ni. 

MYC Chairman hian Shillong a cham chhung hian Prof. Aggarwal, Director, NIFT, Shillong nen inkawmna hun an nei a, Mizoram Youth Commission hmalakna zau zawka kalpui dan turte a sawipui a, NEC, Shillong pawh a tlawh nghal a ni