Kolasib District Statistical handbook 2018 chu  Vawiin khan Kolasib Bawrhsap Pu Zoengsanga’n a Pisa pindan ah a tlangzarh.

Bawrhsap chuan District chanchin chi hrang hrang hlawmkhawmna bu buatsaih a peihfel ani chu District tana hmasawnna chi khat ani tiin he lehkhabu hi uluk taka buatsaih ani a, chutih rualin enge maw chhutsual palh te a awm thei a, thil tihsual palh liau liau a awm anih chuan inhriatthiam a pawimawh thu sawiin a tihdikna emaw a dik zawk chu District Research Officer hnenah a zawhfiah theih tur thu a tarlang a. District Statistical handbook hi Department hrang hrang bakah mipuiten tangkai taka hmang turin duhsakna a hlan bawk a ni.

District Research Officer Pi H.Lalremmawii tarlan dan in Statistical Handbook chu uluk thei ang bera buatsaih niin kum lo la awm turah pawh rokhawlhna a awmloh chuan buatsaih zel an tum a, mipuiten an chhawr tangkai a beisei thu a tarlang bawk.

Statistical handbook ah hian Kolasib District huam chhunga mipui te hriattura pawimawh thil chi hrang hrang dah khawm niin phek 96 a chhah ani a cheng 50/- in District Research Office Venglai ah Office hun chhungin mipuite tan a lei theih a ni.

He hunah hian Officials bakah chanchinbu mite an kalkhawm a ni.