3430/2023-2024

Dated Aizawl, the 22 January, 2024: Vawiin khan Chief Minister Pu Lalduhoma chuan Luangmual Hmunulh veng a tlawh a, Pu Felfamkima chenna inah khawtlangin chawimawina an lo hlan a, an khawtlang mamawh te a hnenah an lo thlen.

Thusawiin Chief Minister chuan, Hmunulh veng hmunhma chu ramngaw chhah tak a nih lai atanga a lo hriat tawh thu a sawi a. Industrial Centre chhunga awm a nih avangin chhungkaw tam tak an lut zel dawn nia a hriat thusawiin, heng in dil mai ni lo, thil dang pawh in la mamawh dawn tih a hriat a ni. Tun maiah erawh chuan hma kan la nghal mai thei rih lova, kalphung thar budget te kan han siam ang a, chutichung pawhin kum khat chhung vel hi chu insawhngheh nan kan la mamawh cheu dawn a ni. Dawhthei takin min lo nghak ula, in dil te hi kan ngaihtuah dawn nia, tiin a hrilh a. Industry hmunpui a nih avangin he Centre zar hi nasa takin in zo chho dawn a ni, a ti.

An khawtlangah hian chhungkaw sawmsarih vel an cheng mek a, Chief Minister hnenah hian Tui Connection te, Zirna In te, Health Sub Centre te an dil a. Anganwadi an neih mek pawh khawtlang din a nih thu an hrilh a ni.

Pu T. Vanlalkunga'n inkawmna hi a kaihruai a, hun chep tak kara Chief Ministerin a tlawh avangin lawmthu a sawi a ni.