3429/2023-2024

Dated Ngopa the 22nd January 2024 : Vawiin  khan Dr Lalngura Tlau, Deputy Commissioner Saitual chuan Eklavya Model Residential School(EVRS), Ngopa chu tlawhin school dinhmun tlangpui leh hmunhmate enfiahin thawktu lak belhna interview Board ah a thu bawk.

EMRS Ngopa a thawktu lakna ah hian Mizo Teacher pakhat leh IV Grade pakhat lak tur niin,Mizo Teacher-ah mi pathum(3),IV Grade ah mi sawmpahnih(12) in dilna an thehlut a ni. Heng hna te hi Mizo Teacher TGT(Guest) leh IV Grade(Casual)a lak tur an ni a, tun dinhmunah EMRS ah hian zirtirtu 12, leh naupang 240 vel an awm mek a ni.

Dr Lalngura Tlau chuan Science Laboratory te, Girls hostel extension sak mek te, Campus Health Centre te, hostel dormitory te leh Staff Quarter te a enfiah a, thil ṭul leh mamawh hrang hrang, water reservoir nei tura bawhzuite, sports equipment nei tura DEO in lo bawhzui tura hmalak te pawh a tel bawk.

Heng buildingte hi a him leh himlohte leh tui paihna ṭha a awm leh awmloh te  enfiah niin, building thenkhat sakna hmunhma in a zirloh avanga thenkhat luah zui ngamloh awmte pawh enfiahin Saitual DC chuan tui luankawr ṭha leh luikawr thlenga tui kawng te siam thuai a tul thu a sawi bawk.

Vawiin a EMRS Ngopa thawktu lâkna ah hian District Education Committee atangin Dr Lalngura Tlau,DC, Chairman, Pu Zodinsanga,Principal,EMRS, Member Secretary ni bawk leh Pu Lalnunfela ,DEO Saitual te an ṭhu a ni.