DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/chief-minister-in-lunglei-ram-kang-thelh-turin-hma-a-lap

Chief Minister in Lunglei ram kang thelh turin hma a la

No.261/2021-2022

25.4.2021: Chief Minister Pu Zoramthanga chuan vawiin khan Indian Air Force hotute bia in, Lunglei ram kang thelh tura hmalak pui turin a ngen a. IAF chuan puih an inhuam thu in an chhang a; Chief Minister ruahmanna in Chief Secretary leh official dangte leh IAF hotute hian rang takin hmalak dan tur an sawiho zui a, ruahmanna an siam nghal a ni.

Chief Minister hian Minister of Home, Disaster Management & Rehabilitation etc, Pu Lalchamliana Environment, Forest & Climate Change changtu Pu TJ Lalnuntluanga te bia in, hmalak dan tur a sawipui bawk.

Lunglei ram kang chungchangah Chief Minister chuan pawi a tih thu sawiin, sawrkar chuan theihtawp a chhuah tur thu a sawi a. Kangmei thelh tura penchhuakte an huaisenna chu fakawm tiin an chungah lawmthu a sawi bawk.