No.7857/2020-2021

20.3.2021: Chief Minister Pu Zoramthanga chuan vawiin khan Lunglei District Court building, Thuamluaia Mual, Circuit House leh Pukpuia sawrkar ram te tlawhin, thuamthat leh tihhmasawn ngailai te a thawktute nen an thlirho.

Zan khat riaka Lungleia kal Chief Minister Pu Zoramthanga chuan district mipuite tana hmasawnna ruhrel tangkai leh pawimawh te chu a remchan dan leh sum awm dan ang zela thuam that leh siamthat tum zel a nih thu a sawi a ni. Chief Minister hian chanchinbu mite nen a inkawmna hun a hmanpui bawk.

Chief Minister hi Minister Pu C. Lalrinsanga, Minister Pu Robert Romawia Royte, Roads & Infrastructure Development Board Vice-Chairman Er. H. Lalzirliana, MYC Chairman Dr. Vanlaltanpuia leh official dangten an tawiawm a ni.