No.7858/2020-2021

Dated Aizawl, the 20th March, 2021: Vawiin ni 20th March 2021 khan Vanapa Hall-ah World Oral Health day hman a ni a. He huna khuallian Dr. ZR Thiamsanga MLA chuan mitinin ka chhung hrisel neih pawimawhzia sawiin, khawvelah kumtin mi maktaduaih khat zet ka chhung cancer an awm ziah thu te, India ramah mi nuaih khat zelah ka chhung cancer mi 20 zel an awm thu te, za zela 30% lai mai chu ka chhung cancer annih avangin uluk taka ka chhung kan vawn leh enkawl that a ngai hle tih sawi a. India ramah mi za zela sawmnga zet hi ha nawhna (tooth brush) la hmang lo an la awm thu te pawh sawiin ka chhung enkawl kawnga kan la san loh thu te, ka chhung cancer thlentu hrang hrang zuk leh hmuam, vaihlo leh a kaihhnawih hrang bakah kuhva thleng a sim a that thu te, ka chhung hrisel neih kawngah uluk taka ha pawh enkawl a ngaih avang leh ha hi kan incheina hlu tak pakhat a nih avangin, ha hrisel kan neih a pawi mawhin ha lama harsatna kan nei anih chuan Aizawl Civil Hospital-ah pawh doctor an rawn theih reng thu a sawi bawk. Dr. ZR Thiamsanga, MLA chuan World Oral Health Day hmang theia hriselna tha a nei chu vannei a intih thu sawiin, lo kal zawng zawng te chu mahni Ka vawn fai lama hmasawn chho zel tura sawmin, he World Oral Health Day Pual hian mipui chu zuk leh hmuam fihlimna lama tan la zel turin leh thlai leh thei rah ei tam turin a sawm bawk. Dr. ZR Thiamsanga chuan kan thenawm ram Myanmar-a sipai ten an mipui zalenna  an awpbet chu tha lo a tih thu leh Myanmar mipui ten zalenna chang ngei tura a duh thu a sawi. Kan ram Mizoram pawn theihtawp chhuaha Myanmar ram mipui raltlante chu lo puih zel an inhuam thu a sawi. Khualian kaihhruaina hnuaiah hian Myanmar mipuite tana Kut leh lam phar chung a Minute 1 ngawi reng a dinna hun hman a ni.

     He World Oral day hmanna inkhawm hi Dr. Lalhmuchhuaka Medical Superintendent, Civil Hospital chuan kaihruaiin, Dr. Zodinliana Ngente, MDS Oral&Maxillo – Facial Surgery pawhin ‘Nu leh Pa te pawn naupang ten an ha na an sawi a nih chuan ngaihvensak vat a pawimawh thu te sawi a, Dr Vanlalhuma Sailo, State Programme Officer, National Oral Health Programme DHME in World Oral Health Day a lo tel zawng zawng te hnenah lawmthu a sawi bawk a ni. World Oral Health Day hi Health Workers’ Training School Kulikawn, Aizawla faculty member leh training laite leh BN Nursing College-a faculty member leh zirlai  ten an hman pui bawk.