Chief Minister Pu Lal Thanhawla chuan Tamil Nadu Chief Minister hlui Pu M.Karunanidhi thihna a tawrhpui thu a fanu Kanimozhi, Rajya Sabha MP ni mek hnenah a thawn.

Chief Minister chuan India ramin politician ropui tak leh mi hnuaihnung zawkte thlavang hauhtu a chan a ni, a ti a. Tamil tawng thiam chungchuang, Pu M.Karunanidhi hian Tamil Nadu State leh Tamil mite theihnghilh tawh ngai loh tur thil ropui tak tak a hnutchhiah a ni, a ti. 

Pu Lal Thanhawla chuan Pu M.Karunanidhi kalsan tak a chhungte a tawrhpui tak zet thu sawiin Pathianin an lusunna chu a thlamuana, a awmpui zel a duhsak thu a hrilh a ni. 

Pu M. Karunanidhi hi kum 94 mi niin Kuvery Hospital, Chennai ah August 8 khan a thi a ni.