Nimin khan Damcherra BDO Conference Hall, North Tripura-ah Pu Lalnunmawia Chuaungo, IAS Principal Secretary, Finance/Home Department, Govt of Mizoram hovin Reang (Bru) laklet hna kalpuina tura inbuatsaihna hrang hrang thlir hovin meeting neih a ni. 

Meeting-ah hian Ministry of Home Affairs thu angin kan hma lawka Mizoram mi leh sa Tripura Transit camp paruka awmte laklet hna thawh tum anih thu tarlan a ni a,  inbuatsaihna hrang hrang thlirho niin Relief camp paruk atanga Mizorama laklet dan turah Mizoram Sawrkarin movement plan a siam angin ni 14 August - 30 September 2018 chhung hian Transit Camp paruka Reang(Bru) awmte hi laklet hna thawh zawh hman tum a ni a. Hei bakah hian  laklet hna hlawhtling taka kalpui a nih theih nan Tripura Sawrkar pawhin theihtawp a chhuah dawn thu tarlan niin Tranportation kalpuina tur hian mihring phur tur Bus engemaw zat leh bungraw phur tur pick-up truck  ruahman fel a nih tawh thu tarlan a ni bawk.

August ni 14 atanga Repatriation kalpuina turah hian Transit Camp hrang hranga mipui aiawh leh MBDPF hruaitute meeting-a rawn telte chuan August ni 14 a tan tur chu harsatna hrang hrang avangin tihhlawhtlin theih a nih an rin loh thu  sawiin, heng an harsatna hrang hrang te hi Repatriation kalpui anih hmaa tihhlawhtlinsak ni se an duh thu an sawi. An harsatna hrang hrang tarlan zingah hian Pakhatna-7ah chuan Repatriation financial Assistance fixed deposit-a dah tum chu saving Account pangngaiah dah ni se. Pahnihna-ah Reang(Bru) mi leh sa te chu an case hrang hrang neihte chu ngaidamna (amnesty) pe se. Pathumna-ah House Building Assistance 15,0000/-(nuaikhat singa)  instalment vawi 3 a pek tum chu vawi 2 ah tihsak ni se. Palina-ah Ration Card, Addhar Card-te siamsak vek bakah 2016-a Identification paltlang lote tih that leh ni se. Pangana-ah chuan An awmna tur In, chhungkua-a hotu theuh te'n laklet hna kalpui hmain an letna tur khua theuhah lo han sa se tihte a ni. Heng  harsatna hrang hrangte hi mipuite'n tihhlawhtlin an phut avangin, sutkiansak an nih loh chuan kumin August ni 14 a Repatriation kalpui tum chu a hlawhtlin an rin loh thu an sawi a ni.

Meeting-ah hian Nobojoy Relief Camp-a chengte chu Recognised Camp-a nih loh avangin mipuite chu Identified theih an ni lova, hamthatna hrang hrangte pawh an  dawn theih dawn loh thu tarlan a ni. Chhungkaw hotute'n Mizorama an rawn let hma-a an awmna tur rawn sak lailawk an duh anih chuan heng thil pathum Accomodation, Security leh Transportation-te chu Mizoram Sawrkar chuan a ngaihtuahsak theih dawn loh thu tarlan a ni bawk.

Vawiin hian July ni 3, 2018 a inremna-a tarlan a7lo nih tawh angin September ni 30 hma-a laklet hna kalpui leh October First week-a Camp zawng zawng khar tura thutlung lo neih tawh bawhzuiin Monitoring Committee Meeting chu BDO Conference Hal, Damcherra-ah thutkhawm leh a ni ang.

Meeting-ah hian Adviser (Bru) Ministry of Home Affairs,  Mizoram Sawrkar atangin SP Mamit, OSD Home, Mamit, Lunglei leh Kolasib atangin DC Office atanga Officials, EE, PWD Kawrthah, Tripura Sawrkar aiawhin DIG Northern Range, DM North Tripura, SP North Tripura, Kanchanpur leh Panisagar Sub Division Officials te bakah MBDPF hruaitute leh Camp hrang hrang aiawhte an tel a ni.