2146/2024-2025

Dated Aizawl, the 20th September, 2024: Vawiin khan Mizoram Civil Service Association chuan Aijal Club-ah General Conference vawi 48-na an hmang a. Pu Lalduhoma, Chief Minister chuan khuallian niin a hmanpui.

Chief Minister chuan, kalphung thar hi tha tho taka min tuipui turin kan ngen che u a. State dang umphak turin i tang ang u. MCS Officer-te hi midangte kaihruaitu tur ber in ni a, entawn tlakin in awm tur a ni. Civil Service hna hi a zauva, tawnhriat leh thlir dan zau zawk in nei thei thin. He in vanneihna hi hmang tangkai zel ang che u.

Langtlang leh mitin huapzo rorelna hi Civil Service kalphung awmsa a ni a. Sawrkar thar hian a ngaipawimawh hle. Technology hmanga chung thilte chu nasa zawka kalpui theih a ni a. Kan uar deuh deuh dawn nia. A hunlaia mithiam ber ber te in ni a, nangmahnia awm theihna hi rinhlelh tur a awm lo. Kan theihna leh thiamnate hi kan ram tan hlan ila, nasa takin mipuite rawng i bawl ang u. Handholding Scheme hi ei leh bara hmasawnna mai ni lovin, mipui moral thlenga siam that tumna policy a ni a. Ngaihpawimawh hmasaah in lo neih zel dawn nia. Sorkar hnathawk pawl hrang hrang ten min hmuh tawh atanga ka hmuh danin, a hnuai lam staff ten ngaihthah an hlawhin ka hria a, kan thawhna hmun theuhah kan hnuai leh kan chunga midangte nena thawhhona tha tak siam hi Officer tha awm dan tur a ni. Hemi chungchangah pawh hian MCS chu hmahruaitu in ni zel dawn nia, tiin a chah.

Khuallian hian MCSA Official Magazine RAHBI (10th Edition) a tlangzarh nghal bawk.

He hunah hian Pu V. Lalengmawia, President, MCSA pawhin Presidential address sawiin, transfer and posting ah thuawih takin kan kal thin a, harsatnate pawh awm ve thei a ni a, Sorkar hnathawk kan nih chuan khawi hmunah pawh kal thei kan ni tih kan hriat a ngai. Sorkar tharin convergence a uar chho dawn a, hei hi tunhma atanga kan tih theih thinloh, kan nghahhlelh em em a ni. Kan awmna hmun theuhah Sorkar Flagship Programme ‘The Mizoram Ban kaih (Handholding) Scheme’ tihlawhtlingtu ni turin theihtawp kan chhuah dawn nia, tiin member te a chah a ni.

Chawhnu session hi Pu V. Lalengmawia, President-in a kaihruai a. District hrang hrang atanga report pek a ni a. Presentation hrang hrang neiin, sawihona neih a ni a, Sorkar flagship programme ‘The Mizoram Bana kaih (Handholding) Scheme’, New Criminal Laws, Optimizing interpersonal conduct and Protocols in Administration, Ensuring Consistency: Best practises for Office Procedures te zirhona neih a ni.

Tin, MCSA Kalkhawmte hian resolution an pass a, chungte chu:

1) Fostering Economic Empowerment and inclusive growth in the State- Government’s flagship programme ‘The Mizoram Bana kaih (Handholding) Scheme’ hi tha kan ti a, champion pui ngei turin theihtawpin kan awmna hmun theuh ah kan chhuah ang.

2) Upgrading Public Service Delivery : Investing in District, Sub-Division and Block Administration Infrastructures.

Mipuite hnena essential service tha zawk pek a nih zel theih nan, District, Sub-Division leh Block-a hmasawnna ruhrel, tun aia tih changkan a nih theih nan Sorkar-ah thlen ni se.