1628/2025-2026

Dated Aizawl: the 26 September 2025 : Vawiin khan Mizoram Chief Minister Pu Lalduhoma chuan P&E Conference Hall, MINECO-ah Mizoram Engeneer Service Association Conference vawi 44-na chu khuallian niin a hmanpui.

He hunah hian Chief Minister Pu Lalduhoma chuan thusawiin, MESA Conference-a khuallian a sawm a ni chu a lawm thu a sawi a. Engeneer-te chu ram hmasawnnna hna thawktu leh mipuite hmaa sawrkar hmel tilang chiang bertute zing a mi an nih angin, sawrkar thawhpui kawngah theihtawp chhuah zel turin a chah a. An hmalakna hrang hrangte fakawm a tih thu sawiin, Sawrkar chuan uluk takin an hnathawhapiang a vil ve reng tih hre tura chahin, ram ro tlinga hna thawk chhunzawm zel turte, Department hrang hrangte nen tanrualna tha tak nei chunga hna ruahman thin turtein a chah bawk a. Conference chu hlimtaka hmang turi kalkhawmte chu duhsakna a hlan nghal bawk a ni.

Vawiina hun hman hi Er. H. Zoramliana, MESA President chuan kaihruaiin, kalkhawmte lawmna thu a sawi a.  Er. Lalhminghlua, MESA Gen. Secretary-in 2024-25 inkara MESA hmalakna report a pe a. 2024-25 chhunga member boralte sunna hun hman niin, kumina MESA member pension turte thlahna hun hman nghal a ni a. Er. Lalrinzuala Ralte, MESA Vice President chuan lawm thu sawiin hun hi a khar a ni.