Ni 2 chhung awh tur Mizo Hmeichhia Insuihkhawm Pawl (MHIP) General Assembly Vawi 17 –na chu vawiin khan Vanapa Hallah tan a ni a, Chief Minister Pu Lal Thanhawla chu Khuallian a ni.
Chief Minister chuan ani ber kher he huna tel tura an sawm chu lawmawm a tih thu a sawi a. Pu Hawla chuan hmeichhiate dinhmun hrechiang tu leh chawimawi nachang hria apiangte hi hnam fing an ni tiin, keini chu kan mawl em a; kan thufing thenkhat ‘hmeichhe finna in tuikhur ral a kai lo’ tihte hi thu mawl leh thu atthlak mai, sawi rik chi pawh a ni tawh loh a ti a. Khawtlang nun tluchhe tawh tak tundin leh anih theih nan, chhungkaw tin atanga tanin nu te hi in pawimawh hmasa ber a, kristian chhungkaw nun tha awm tur pawhin nu in pawimawh ber bawk a, hemi kawngah hian in pasal te pawh in thunun thei a ni a ti. Chuvangin, in chanvo hi tha zawk se tih hi ka duhna a rei tawh a ni a ti. Pawngsual thleng thin chungchangah Pu Hawla chuan hmeichhiate hi palzut tur leh zuamawm loha an awm thiam a,an hriselna te an ngaihpawimawh phawt chuan pawngsualna hi a tlakhniam ngei a beisei thu a sawi a. Lengpui Airport kalkawngah brazier ha ringawta kalte, ruak tel tula inbualte leh zung sur sur te hmuh tur a awm thin hi a mualpho thlak mai nilovin, hmutute rilru thlengin a kai sual thei a ni a ti a. MHIP te chu ram kaihruaitu pawimawh tak an nih angin, sorkar nen pawh a tulna apiangah kan thawk dun rhei a ni a ti.
Pu Lal Thanhawla chuan a sorkarin dikna lal tira, dikna hmanga rorel anih tur thu sawi nawnin, BPL leh IAY lists diklo lutuk leh NREGA hnuaia ‘job card’ dik hlel tam tak awm te chu political party tel ve lohna, NGO, Kohhran leh VC kutah siam that hna dah anih tur thu a sawi a. Mizo te hi Bible in sual tinreng bul a tih ‘sum ngainatna’ khurah kan luh thuk tawh zia sawiin, hei hian, Bible in milem biakna atih ‘duhamna’ ah min hruai lut a, chu chuan hmasialna min hruai veleh a ni a ti a. He sum ngainatna avang hian khawtlang nunin a tuar a ni a ti a. Mi hausa leh mi lian ten vantlang ram an nek phah a, mipuiin kan tawrh phah a ni a ti. Heng khawtlang nun siam thatna kawngah hian pawl angin MHIP, chak taka thang chho mek hian thui tak hma ala thei a ni, Chief Minister chuan a ti. Ram dang UK leh South Korea a tlawh tuma a inkhawmna ah chuan an moderator leh an pastorte chu hmeichhia an nih thu a sawi a. kan kohhranah chuan a theih ve loh a ni a ti a.Khawhar ina hmeichhia ten Pathian thu an sawi thinte hian amah ahneh thinzia thu a sawi a bawk a ni.
Chief Minister chuan MHIP chu chak lam pan zela a kal chu lawmawm a tih thu a sawi rualin sorkar tan pawh a thlamuan thlak hle a ni a ti a. Midangte tana malsawmna ni zel turin duhsakna a hlan a ni.
MHIP President Pi Rozami’n ‘President Address’ a neih ah Mizo hmeichhia te dinhmun chu a hniam hle nia sawiin, kum puan ah pawh “ Hmeiche tih chak “ an thlan thu a sawi a. Chak lohna lian tak pahnih an neih sawilangin, kohhranah chanvo lian, Upa emaw pastor emaw chu hmeichhiate tan kohhram lian Presbyterian ah kawng a in hawn loh thu te leh ram rorelna sang berah MLA an neih loh thu te a sawi a. MHIP hi Pathian rawngbawlna pakhat a ni tih hre reng chung zelin member kalkhawmte chu MHIP hi hmangaih takin I vuan zel ang u tiin a sawm nghal a ni.
Chawhma inkhawm hi Pi Ngurmawii Sailo, Vice President in a kaihruai a. Palai thleng reng zel chungin Halla lenglo khawp member an kal tha a ni.Chawhnu lamah Budget an pharh a, naktukah hruaitu thar thlanna an nei ang.
Pu Lal Thanhawla chuan a sorkarin dikna lal tira, dikna hmanga rorel anih tur thu sawi nawnin, BPL leh IAY lists diklo lutuk leh NREGA hnuaia ‘job card’ dik hlel tam tak awm te chu political party tel ve lohna, NGO, Kohhran leh VC kutah siam that hna dah anih tur thu a sawi a. Mizo te hi Bible in sual tinreng bul a tih ‘sum ngainatna’ khurah kan luh thuk tawh zia sawiin, hei hian, Bible in milem biakna atih ‘duhamna’ ah min hruai lut a, chu chuan hmasialna min hruai veleh a ni a ti a. He sum ngainatna avang hian khawtlang nunin a tuar a ni a ti a. Mi hausa leh mi lian ten vantlang ram an nek phah a, mipuiin kan tawrh phah a ni a ti. Heng khawtlang nun siam thatna kawngah hian pawl angin MHIP, chak taka thang chho mek hian thui tak hma ala thei a ni, Chief Minister chuan a ti. Ram dang UK leh South Korea a tlawh tuma a inkhawmna ah chuan an moderator leh an pastorte chu hmeichhia an nih thu a sawi a. kan kohhranah chuan a theih ve loh a ni a ti a.Khawhar ina hmeichhia ten Pathian thu an sawi thinte hian amah ahneh thinzia thu a sawi a bawk a ni.
Chief Minister chuan MHIP chu chak lam pan zela a kal chu lawmawm a tih thu a sawi rualin sorkar tan pawh a thlamuan thlak hle a ni a ti a. Midangte tana malsawmna ni zel turin duhsakna a hlan a ni.
MHIP President Pi Rozami’n ‘President Address’ a neih ah Mizo hmeichhia te dinhmun chu a hniam hle nia sawiin, kum puan ah pawh “ Hmeiche tih chak “ an thlan thu a sawi a. Chak lohna lian tak pahnih an neih sawilangin, kohhranah chanvo lian, Upa emaw pastor emaw chu hmeichhiate tan kohhram lian Presbyterian ah kawng a in hawn loh thu te leh ram rorelna sang berah MLA an neih loh thu te a sawi a. MHIP hi Pathian rawngbawlna pakhat a ni tih hre reng chung zelin member kalkhawmte chu MHIP hi hmangaih takin I vuan zel ang u tiin a sawm nghal a ni.
Chawhma inkhawm hi Pi Ngurmawii Sailo, Vice President in a kaihruai a. Palai thleng reng zel chungin Halla lenglo khawp member an kal tha a ni.Chawhnu lamah Budget an pharh a, naktukah hruaitu thar thlanna an nei ang.
Attachment
- Loading attachment...
