Mizo Academy of Letters chuan vawiin khan MBSE Conference Hall, Chaltlangah an pawl kum 44 tlinna, Foundation Day an lawm a. Art & Culture Minister Pu P.C. Zoramsangliana chu Khuallian a ni.
MAL Foundation Day lawmna inkhawm hi Pu Lalthangfala Sailo, President-in a kaihruai a. Nikum chhunga lehkhabu tha ber, Book of the Year 2008 atana thlan, “Chun Chawi Loh” tih lehkhabu ziaktu Lalhriata hnenah Khuallian Pu P.C.Zoramsangliana chuan lawmman a hlan a ni.
Thu sawiin Pu Zoramsangliana chuan thu, a sawia sawi chu tha tak pawh nise, a hre phakte tan pawh vawn reng a harsa thin a. Mihring kan lo changkang zel a, mihringte finna leh hriatna hlu tak chu ziaka vawn that a nih tak avangin khawvel hmasa lama finna leh hriatna chu thangthar ten an rochung thei ta a, chuvangin lehkhabu hi mihringte rohlu ber a ni, a ti a. Lehkhabu tha hlutna leh mihring nuna pawimawhna a neih thukzia sawiin Pu Zoramsangliana chuan, lehkhabu tha chu hringnun darthlang, hnam darthlalang, ram hmasawnna chabi, finna zempui, chakna leh thiltihtheihna a ni, tiin a sawi.
Chawhma hunah hian MAL Secretary Dr.R.L.Thanmawia leh Book of the Year 2008 Committee Secretary Pu K.Lalremruata te hnen atangin report ngaihthlak a ni a. Pu B.Lalthangliana, Committee Member, MAL chuan lawmthu sawiin chawhma hun hi a khar a, chawhnu hunah rorel inkhawm neih a niin MAL Dan siamthat chungchang ngaihtuah leh sawiho a ni.
Thu sawiin Pu Zoramsangliana chuan thu, a sawia sawi chu tha tak pawh nise, a hre phakte tan pawh vawn reng a harsa thin a. Mihring kan lo changkang zel a, mihringte finna leh hriatna hlu tak chu ziaka vawn that a nih tak avangin khawvel hmasa lama finna leh hriatna chu thangthar ten an rochung thei ta a, chuvangin lehkhabu hi mihringte rohlu ber a ni, a ti a. Lehkhabu tha hlutna leh mihring nuna pawimawhna a neih thukzia sawiin Pu Zoramsangliana chuan, lehkhabu tha chu hringnun darthlang, hnam darthlalang, ram hmasawnna chabi, finna zempui, chakna leh thiltihtheihna a ni, tiin a sawi.
Chawhma hunah hian MAL Secretary Dr.R.L.Thanmawia leh Book of the Year 2008 Committee Secretary Pu K.Lalremruata te hnen atangin report ngaihthlak a ni a. Pu B.Lalthangliana, Committee Member, MAL chuan lawmthu sawiin chawhma hun hi a khar a, chawhnu hunah rorel inkhawm neih a niin MAL Dan siamthat chungchang ngaihtuah leh sawiho a ni.
