Chief Minister Pu Lal Thanhawla chuan vawiin tlai khan Mizoram Institute of Medical Education & Research (MIMER), Falkawn chu an mamawhte a hmunah ngei hre turin a tlawh a ni.

Chief Minister hi Finance Minister Pu Lalsawta leh Principal Adviser to CM Pu R.L. Rinawma ten an tawiawm a. Thawktute nen inkawmna neiin hospital chu chipchiar takin a fang. An mamawh hmanhmawhthlak tak tak hospital bungrua leh hmanrawh pawimawh te an thlen te chu Chief Minister hian ngaihthlak sakin, a hmunah thuneitute bia in a chinfel sak nghal a ni.

Medical thiamna lama Mizoram harsatna sukiang tura Mizoram sawrkar din MIMER hi tun hmaa Falkawn Referal Hospital atan ruahman kha a bul thut atanga siam tha in Mizoram sawrkar chuan Medical College ah siam turin hma a la mek a. Provisional Permission pawh sawrkar laipui lam MCI atangin hmuh a ni tawh a. Kumin atanga class kal hman turin theih tawp chhuah mek a ni a, harsatna leh mutan an neih apiangte sutkian sak turin Chief Minister hian MIMER hi hrilh lok lovin a hmunah a tlawh ta thut a ni.

Chief Minister hi MIMER ah hian Director leh hotu dangten an lo dawngsawng a, an harsatnate chawp leh chilha a chinfel sak avangin a chungah an lawm hle a ni.