Mizoram Secondary School Teachers Association (MISSTA) Annual General Conference vawi 10-na Chanmari YMA Hall-ah vawiin khan neih a ni a, Chief Minister Pu Lal Thanhawla chu khuallian a ni.
Chief Minister chuan Secondary School Teachers te chu mihring nung enkawltu, zirlaite mipuitling leh tangkai, mizahawma chhertu an nih avangin an pawimawh a, kan ram leh hnam tluchhe mek tundin lehna kawngah mi pawimawh bik an ni a ti a. An file khawihte chu mihring an nih avangin, kawng dik an kawhhmuhna kawngah an mahni dinhmun pawimawhzia hria a, uluk taka an nun vawng turin a chah a ni. Hetiang dinhmuna ding an nih avang hian sorkar pawhin hamthatna awm thei ang turte pawh a ngaihtuah a ni a ti a. Mahse state pachhe ber kan nih hi hria a, kan chantawkah lungawi thiam kan zir a tul a ni a ti. Post awm miahlo charge lak tir awm thin chungchang sawilangin, Chief Minister chuan hetiang thil tih hi lemchanna a ni a, tihbo a ni ang a ti. A sorkar chu thil tak tak ti turin a ni leh thla in ala daih lova, budget mumal pawh la awm theilo anih avangin, an duh angte an la neilo anih pawhin la hrethiam turin a ngen a. Zirtirtu te Grade hrang hranga awm, an awmna tur tihfel ngai grade 703 te chu siam fel tura remtih anih thu a sawi bawk a ni.
Pu Lal Thanhawla chuan tunlaia taxi driver-te nawrh chungchang sawichhuakin, sorkar ruahmanna enchhin anih hma hauha taxi khalhtu ten nawrh an huaihawt chu pawi a tih thu sawiin, sorkar chu engtikawng mahin a tawlh dawn lo a ni a ti a. Taxi hi a tam tawh em avangin permit pek anih dawn tawh loh thu sawiin, tuna mi te hi a tawp chho ve tial tial (phase out) hun nghah a ni ang a ti. District dang atanga Aizawla rawn tlan leh Taxi permit neilo ,taxi anga cheia tlan ve ta mai te hi zawn chhuah a nih tur thu Chief Minister hian a sawi bawk a ni. Sorkar chuan taxi te chu tlan tura tih an nih thu sawiin, a tul anih chuan sorkar-in a thuneihna lekkawh a hreh dawn lo a ni a ti.
Chief Minister chuan MISSTA conference chu tluanga an neih theih nan a duhsakna a hlan a ni.
Conference ah hian MISST President Pu Lalrammawia pawhin President speech neiin an pawl innghahna ah ding tlat thin turin memberte a sawm thar a ni.
Conference hi an Vice President Pu Lalchhandama Tochhawng in a kaihruai a. Kum kalta a pension ta mi 24 te hnenah Khuallian hian pension thlahna Rs.5000/- leh Citation a hlan theuh a ni. Association lam pawhin Chief Minister’s Relief Fund ah Rs.5000/- Chief Minister hnenah hian an hlan bawk a ni.
Pu Lal Thanhawla chuan tunlaia taxi driver-te nawrh chungchang sawichhuakin, sorkar ruahmanna enchhin anih hma hauha taxi khalhtu ten nawrh an huaihawt chu pawi a tih thu sawiin, sorkar chu engtikawng mahin a tawlh dawn lo a ni a ti a. Taxi hi a tam tawh em avangin permit pek anih dawn tawh loh thu sawiin, tuna mi te hi a tawp chho ve tial tial (phase out) hun nghah a ni ang a ti. District dang atanga Aizawla rawn tlan leh Taxi permit neilo ,taxi anga cheia tlan ve ta mai te hi zawn chhuah a nih tur thu Chief Minister hian a sawi bawk a ni. Sorkar chuan taxi te chu tlan tura tih an nih thu sawiin, a tul anih chuan sorkar-in a thuneihna lekkawh a hreh dawn lo a ni a ti.
Chief Minister chuan MISSTA conference chu tluanga an neih theih nan a duhsakna a hlan a ni.
Conference ah hian MISST President Pu Lalrammawia pawhin President speech neiin an pawl innghahna ah ding tlat thin turin memberte a sawm thar a ni.
Conference hi an Vice President Pu Lalchhandama Tochhawng in a kaihruai a. Kum kalta a pension ta mi 24 te hnenah Khuallian hian pension thlahna Rs.5000/- leh Citation a hlan theuh a ni. Association lam pawhin Chief Minister’s Relief Fund ah Rs.5000/- Chief Minister hnenah hian an hlan bawk a ni.
