Chief Minister Pu Lal Thanhawla chuan Mizoram chu Vaihlo awm lohna State, Smoke Free Mizoram, ni turin a puang.
Hemi puala inkhawm, a chenna banquet hall-a buatsaihah Pu Lal Thanhawla chuan Mizoramah mei zuk tih reh anih theih nan kum 22 teh meuh Indian Society on Tobacco & Health (ISTH) Mizoram Chapter in hma alo lak tawh chu rah a chhuah tan chho mek a, mei zu mite pawh an ralti deuh tawh a ni a ti a. Duh angin an thawhrah chaklo mahse, tha thlah lova tumruhna min petu ni zawk se a duh thu a sawi a ni.
Chief Minister chuan meizial heh tak bula awm chu inhremna a ni tiin, thil kan chin dawklakte hi bansan mai a har thin avangin, mei zu mi te pawhin hriselna tan a thalo tih hria a, tumruhna nen an sim thei ngei a beisei thu a sawi a. Ringtu kan nihna hi rim taka hmangin, he kan nihna atang hian engkimah inteh ila, tlakchham kan neihte hi kan infinchhuah chak zawk ang a ti. Kan Pathianin 'in thianghlim tur a ni, kei ka thianghlim si a' a tih hi zawm theuh ila, Mizoram hi meizial khu awm lohna ramah kan siam thei ngei ang Pu Hawla chuan a ti a ni.
Khualzahawm Health Minister Pu Lalrinliana Sailo chuan chhuan lokal leh zel tur te tana Mizoram chu chenna nuam siam tura vaihlo khu awm lohna tura puan a ni chu a lawmawm hle a ni a ti a. Puipunna hmuna meizial zu hmuh tur an awm ngai ta lo te hi a lawmawm hle a ni a ti.
Chief Secretary Pu Vanhela Pachuau pawhin power point hmangin vaihlo hman, zawrh leh hralh khapna dan, COPTA 2003 chu sorkar hnathawk ten an zawm tur chi hrang hrang a hrilhfiah bawk a.
Pi Lal Riliani, President, Indian Society on Tobacco & Health Mizoram Chapter pawhin thusawiin, Mizoram chi India Ramah vaihlo hmang tamna ber a ni chu pawi a tih thu a sawi a. Mi meizuk khu hip luh hian, a zu te aia a zu lo ten an tawrh nasat zawk thu uar takin a sawi bawk a. Vaihlo hi do mai lovin a tih rem dan kan zawng zawk tur a ni a ti.
Dr.Jane R.Ralte, State Nodal Officer, Mizoram State Tobacco Control Society (MSTCS) in power point hmangin Mizoram puma hma an lak dan leh rahchhuah aneihte a entir bawk a. Kum 2008 October leh 28th June 2011 inkar chhunga Mizorama hma an laknaah puipunnaa mei zu an man mi 3077 te hnen atangin dan bawhchhiat man Rs.84,503/- an hmu a ni.
ISTH Mizoram Chapter leh MSTCS tangkawp ina vaihlo in Mizo khawtlang nun a tih chhiat dan, darkar chanve chhung lemchanga cinema(film) a siama inelna neite te hnenah lawmman semna hun hman a ni bawk a. Film 5 siamah 1st-na dawngtu 'Ka dawn kim lo' tih film Mizoram State Film Industry Production in Rs. 40,000/- leh certificate, 2nd -na ' Doral Zun' tih Khiangte Pictures Production in Rs.30,000/- leh certificate leh 3rd-na 'Ka sim ta e' tih Napolean R. Zothanga'n Rs.20,000/- leh certificate te dawngin, an ni bakah film dang 2 ten Rs.5,000/- ve ve an dawng bawk a. Best Director leh Best Actor - male & female te hnenah Rs.2,000/- theuh lawmman pek an ni.
Inkhawm hi Pu S.Laldingliana, Parliamentary Secretary in a kaihruai a. Ministers, Parliamentary Secretaries, MLA te leh official engemawzah an kal a ni.
Chief Minister chuan meizial heh tak bula awm chu inhremna a ni tiin, thil kan chin dawklakte hi bansan mai a har thin avangin, mei zu mi te pawhin hriselna tan a thalo tih hria a, tumruhna nen an sim thei ngei a beisei thu a sawi a. Ringtu kan nihna hi rim taka hmangin, he kan nihna atang hian engkimah inteh ila, tlakchham kan neihte hi kan infinchhuah chak zawk ang a ti. Kan Pathianin 'in thianghlim tur a ni, kei ka thianghlim si a' a tih hi zawm theuh ila, Mizoram hi meizial khu awm lohna ramah kan siam thei ngei ang Pu Hawla chuan a ti a ni.
Khualzahawm Health Minister Pu Lalrinliana Sailo chuan chhuan lokal leh zel tur te tana Mizoram chu chenna nuam siam tura vaihlo khu awm lohna tura puan a ni chu a lawmawm hle a ni a ti a. Puipunna hmuna meizial zu hmuh tur an awm ngai ta lo te hi a lawmawm hle a ni a ti.
Chief Secretary Pu Vanhela Pachuau pawhin power point hmangin vaihlo hman, zawrh leh hralh khapna dan, COPTA 2003 chu sorkar hnathawk ten an zawm tur chi hrang hrang a hrilhfiah bawk a.
Pi Lal Riliani, President, Indian Society on Tobacco & Health Mizoram Chapter pawhin thusawiin, Mizoram chi India Ramah vaihlo hmang tamna ber a ni chu pawi a tih thu a sawi a. Mi meizuk khu hip luh hian, a zu te aia a zu lo ten an tawrh nasat zawk thu uar takin a sawi bawk a. Vaihlo hi do mai lovin a tih rem dan kan zawng zawk tur a ni a ti.
Dr.Jane R.Ralte, State Nodal Officer, Mizoram State Tobacco Control Society (MSTCS) in power point hmangin Mizoram puma hma an lak dan leh rahchhuah aneihte a entir bawk a. Kum 2008 October leh 28th June 2011 inkar chhunga Mizorama hma an laknaah puipunnaa mei zu an man mi 3077 te hnen atangin dan bawhchhiat man Rs.84,503/- an hmu a ni.
ISTH Mizoram Chapter leh MSTCS tangkawp ina vaihlo in Mizo khawtlang nun a tih chhiat dan, darkar chanve chhung lemchanga cinema(film) a siama inelna neite te hnenah lawmman semna hun hman a ni bawk a. Film 5 siamah 1st-na dawngtu 'Ka dawn kim lo' tih film Mizoram State Film Industry Production in Rs. 40,000/- leh certificate, 2nd -na ' Doral Zun' tih Khiangte Pictures Production in Rs.30,000/- leh certificate leh 3rd-na 'Ka sim ta e' tih Napolean R. Zothanga'n Rs.20,000/- leh certificate te dawngin, an ni bakah film dang 2 ten Rs.5,000/- ve ve an dawng bawk a. Best Director leh Best Actor - male & female te hnenah Rs.2,000/- theuh lawmman pek an ni.
Inkhawm hi Pu S.Laldingliana, Parliamentary Secretary in a kaihruai a. Ministers, Parliamentary Secretaries, MLA te leh official engemawzah an kal a ni.
Attachment
- Loading attachment...
