Vawiin khan Pu R. Lalrinawma MLA, Chairman, Mizoram State Law Commission chuan a bial chhunga Muanna Veng te, Zuangtui te, Falkland leh Thuampui te a tlawh a. UD&PA, P&E, PHE leh PWD official ten tawiawmin heng vengtea khawtlang hruaitu te nen khawtlang mamawhte an sawi ho a ni.
Pu R. Lalrinawma chuan sorkarin ram hmasawnna atan leh mi harsate dawmkanna atan nasa takin hma a la mek tih sawiin sorkar hmalakna tawiawm turin mipuite a sawm a. Mahni veng hmasawnna atana tih theih kan neih te chu sorkar nghak kher lovin veng neitu rilru pua hma la mai tur kan ni a ti. Veng chhung development atan sum engzat nge lo lut tih aiin sum lo lut te kan hmang tha em tih kan ngaihtuah zawk tur a ni a ti bawk. Pu R. Lalrinawma chuan sorkarin ram hmasawnna tur leh mipuite hamthatna tura hna a thawh leh sum a sem te hi kan ta theuh a ni tih kan hriat a tul tih sawiin chutianga neitu rilru pu chuan hma pawh an sawn zel a ni a ti bawk.
