365/2022-2023
Aizawl 30.4.2022: Chief Minister chuan vawiin chawhnu khan BYJU's Mapuia Memorial Mizoram Cricket League hmawrbawkna, Suaka Cricket Ground a neih chu hmanpuiin lawmman a sem.
Chief Minister chuan sawrkarin sports hi industry-ah a lo pawm tawh angin sports discipline hrang hrang chawisan a, eizawnna tlak a siam chu sawrkarin a ngaihpawimawh thu a sawi a. Chumi ah chuan Cricket chu lungthu pawimawh tak a nih zia sawiin, thalaite tan eizawnna tling tak a nih theih thu te sawiin, GST ah pawh mipui hman turin chhiah tam tak cricket atang hian sum chhunluh a nih thu a sawi. Chief Minister chuan Mizoramah cricket in hma a sawn zel theih nan khelmual neih belh chungchangah te, tuna ground neih mek tihchangtlun ngai an thlente chu sawrkarin a theih angin a lo ngaihtuahzui sak zel tur thu a sawi. Chief Minister chuan player zawng zawngte chu hlawhtlinna an dawn zui zel a duhsak thu a hrilh bawk.
BYJU's Mapuia Memorial Mizoram Cricket League hi April 21, 2022 atang khan khelh tan niim club paruk an tel a, final ah hian Chanmarians Cricket Club leh Chhinga Veng Cricket Club te intumin Chhinga Veng Cricket Club in hnehna an chang a. Champion club hian trophy bakah pawisafai cheng nuai hnih a keng tel a, runner up in trophy leh pawisafai nuai khat sing hnih a keng tel bawk. Heng bakah hian lawmman dang hrang hrang a tel a, club dangte pawh a tih that dan indawtin lawmman pek an ni bawk.
