364/2022-2023

Khawzawl, the 30th April 2022: Mizorama IWMP Project kalpui hmasak berte zinga tel, kum 2009-2010 atanga kalpui tan Kawlkulh IWMP Project chu Khawzawl DC Pu C.C. Lalchhuangkima chuan nimin khan a tlawh.

Pu C.C. Lalchhuangkima chuan Sawrkar project a tawp hnuah pawha Kawlkulh IWMP Project tha taka society hruaituten an kalpui chu lawmawm a tih thu a sawi. Neitu nihna thinlung pua enkawl zel tur leh hmasawnpui nana hmang tura theihtawp chhuaha enkawl zel turin a fuih a ni.

IWMP hmunah hian tun dinhmunah Sapthei engemawzat chin mek a ni a. Balhla leh thlai sum chang thei an ching tel nual bawk a, Sapthei tharte hi Mizoram pawnah an hralh tlangpui a ni. Heng bakah hian Horticulture Department hmalaknain Greenhouse tha tak siam niin, hengte hi thlai chin nan hman tangkai tum mek a ni bawk. IWMP Kawlkulh hmun hi society-in tha takin an enkawl a, mumal takin society hruaitute pawh kum 3 danah an inthlang thin a ni. IWMP hmunah hian Seminar Hall sak tel niin, huan neituten riah nan an hmang thin bawk.

District Bawrhsap hi Pu Lalvenhima, Project Director, DRDA Khawzawl; Pu Lalthakima, BDO Khawzawl leh Pu Obed Lalmalsawma, SDC, DC Office Khawzawl ten an tawiawm a ni.

Attachment

  • Loading attachment...