No.3135/2021-2022
Aizawl 24.11.2021: New Delhi a cham mek Chief Minister Pu Zoramthanga chuan Mizoram hmasawnna tur ngaihtuahin vawiin khan Pu Ajay Kumar Bhalla, Union Home Secretary te, Pu Arvind Kumar, Intelligence Bureau Director, India-German Water Partnership team te leh Power Finance Corporation Ltd. hotute a kawm.

Chief Minister chuan Union Home Secretary Pu Ajay Bhalla leh Intelligence Bureau Director Pu Arvind Kumar te chu an pisa ah ve ve hmuin, thu pawimawh tak tak an sawiho a ni.

India-German Water Partnership hruaittute nen Mizoram House Conference hall, Chanakyapuri an inkawmin, Aizawl Water Distribution System chungchang te sawiin, Mizoram dinhmun leh ruahtui khawl chungchangte an sawiho.

Power Finance Corporation Ltd. Project Director-te Mizoram House Conference hall ah vek an inkawm a. Mizoramah kawlphetha hnianghnar zawka awm theih dan tur kawng dap theih dan chungchang an sawiho.

Chief Minister hi State Planning Board Vice Chairman Pu H. Rammawi, Adviser to CM (Tech) Er. K. Lalsawmvela, OSD to CM Pu Rosangzuala, Pu Lalmalsawma, Planning Secretary, Pu C. Lalremsiama, E-in-C PHED leh official dangten an tawiawm a ni.